പിസി ജോർജ് ബിജെപിയിൽ, ഇത് വെറും തുടക്കം മാത്രമെന്ന് പ്രകാശ് ജാവദേക്കർ

ന്യൂഡൽഹി: ജ​ന​പ​ക്ഷം നേ​താ​വും മുൻ എംഎൽഎയുമായ പി.​സി. ജോ​ർ​ജ്  ബി​ജെ​പി അം​ഗ​ത്വം സ്വീ​ക​രി​ച്ചു. മ​ക​ൻ ഷോ​ൺ ജോ​ർ​ജ് അ​ട​ക്ക​മു​ള്ള ജ​ന​പ​ക്ഷം പാ​ർ​ട്ടി നേ​താ​ക്ക​ളും ബി​ജെ​പി അം​ഗ​ത്വമെടുത്തു . ജനപക്ഷത്തെ ബിജെപിയിൽ പൂർണമായും ലയിപ്പിച്ചുകൊണ്ടാണ് പിസി ജോർജിന്റെ നീക്കം. വൈകുന്നേരം കേന്ദ്ര ആഭ്യന്തരമന്ത്രി അമിത് ഷാ, ദേശീയ അധ്യക്ഷൻ ജെ.പി നദ്ദ എന്നിവരുമായി പി.സി ജോർജ് കൂടിക്കാഴ്ച നടത്തും.

കേന്ദ്രമന്ത്രിമാരായ രാജീവ് ചന്ദ്രശേഖർ, വി മുരളീധരൻ, പ്രകാശ് ജാവദേക്കർ, അനിൽ ആൻ്റണി എന്നിവർ പിസി ജോർജ്ജിനൊപ്പമുണ്ടായിരുന്നു. പിസി ജോർജിൻ്റെ വരവോടെ ബിജെപി ന്യൂനപക്ഷ വിരുദ്ധരാണെന്ന പ്രചരണം പൊളിഞ്ഞുവെന്ന് കേന്ദ്ര സഹമന്ത്രി വി മുരളീധരൻ പറഞ്ഞു. ഇത് വെറും തുടക്കം മാത്രമാണെന്ന് പ്രകാശ് ജാവദേക്കറും പ്രതികരിച്ചു. ഇനിയും കൂടുതൽ പേർ പാർട്ടിയിലേക്ക് വരുമെന്നും പ്രകാശ് ജാവദേക്കർ പറഞ്ഞു. 

ക​ഴി​ഞ്ഞ ദി​വ​സം ബി​ജെ​പി ദേ​ശീ​യ​നേ​തൃ​ത്വം ആ​വ​ശ്യ​പ്പെ​ട്ട​തി​നെ​ത്തു​ട​ർ​ന്ന് പി.​സി. ജോ​ർ​ജും ഷോ​ൺ ജോ​ർ​ജും പാ​ർ​ട്ടി​യി​ലെ ഒ​രു നേ​താ​വും ചൊ​വ്വാ​ഴ്ച ഡ​ൽ​ഹി​യി​ൽ വി​വി​ധ നേ​താ​ക്ക​ളു​മാ​യി ച​ർ​ച്ച ന​ട​ത്തി​യി​രു​ന്നു. ആ​ദ്യം ജ​ന​പ​ക്ഷ​ത്തെ ഒ​രു ഘ​ട​ക​ക​ക്ഷി​യാ​യി മു​ന്ന​ണി​യി​ലെ​ടു​ക്ക​ണ​മെ​ന്ന ആ​വ​ശ്യം ജോ​ർ​ജ് മു​ന്നോ​ട്ടു​വ​ച്ചെ​ങ്കി​ലും സം​സ്ഥാ​ന ഘ​ട​ക​ത്തി​ന്‍റെ എ​തി​ർ​പ്പ് ശ​ക്ത​മാ​യ​തോ​ടെ​യാ​ണ് പാ​ർ​ട്ടി​യി​ൽ ചേ​ര​ണ​മെ​ന്ന ആ​വ​ശ്യം അം​ഗീ​ക​രി​ക്കാ​ൻ ത​യാ​റാ​യ​ത്.ലോ​ക്സ​ഭാ തെ​ര​ഞ്ഞെ​ടു​പ്പി​ൽ പ​ത്ത​നം​തി​ട്ട​യി​ൽ പി.​സി. ജോ​ർ​ജ് മ​ത്സ​രി​ക്കു​മെ​ന്നാ​ണ് സൂ​ച​ന.