മലയിടംതുരുത്തില് കുടിയൊഴിപ്പിക്കൽ ഇന്ന്; പ്രതിരോധിക്കുമെന്ന് സമരസമിതി
തിങ്കള്, ചൊവ്വ ദിവസങ്ങളില് നടത്താനിരുന്ന എസ്ബിഐ പണിമുടക്ക് മാറ്റിവച്ചു
May 23, 2026
റസൂല് പൂക്കുട്ടി കേരള ചലച്ചിത്ര അക്കാദമി ചെയര്മാന് സ്ഥാനം രാജിവെച്ചു
May 23, 2026
കൊച്ചി : എറണാകുളം മലയിടംതുരുത്തിലെ തര്ക്ക ഭൂമിയില് അഭിഭാഷക കമ്മീഷനും ആമീനും സ്ഥലത്തെത്തും. അഭിഭാഷക കമ്മീഷന് വന്നാല് പ്രതിരോധിക്കുമെന്ന് സമരസമിതി അറിയിച്ചിട്ടുണ്ട്. സ്ഥലത്ത് ഡിവൈഎഫ്ഐയുടേയും സിപിഐഎമ്മിന്റേയും പ്രതിഷേധം ഇന്നുമുണ്ടാകും. തിങ്കളാഴ്ച സര്ക്കാര് നേരിട്ട് ഹൈക്കോടതിയെ സമീപിക്കും.
അതേസമയം, കുടിയൊഴിപ്പിക്കില്ലെന്ന് താമസക്കാര്ക്ക് സര്ക്കാര് ഉറപ്പ് നല്കിയിട്ടുണ്ട്. ഇത് സംബന്ധിച്ച് അഡ്വ.ജനറലിന് നിര്ദേശം നല്കിയിട്ടുണ്ട്. മന്ത്രി റോജി എം ജോണിന്റെ നേതൃത്വത്തില് നടത്തിയ ചര്ച്ചയിലാണ് തീരുമാനം. തിങ്കളാഴ്ച സര്ക്കാര് നേരിട്ട് ഹൈക്കോടതിയെ സമീപിക്കും. കേസ് നടത്തിപ്പില് നിരവധി പ്രശ്നം ഉണ്ടെന്നാണ് താമസക്കാര് പറഞ്ഞത്. കോടതിയില് നിന്നും ഇനി അനുകൂല വിധി ഉണ്ടായില്ലെങ്കില്, ഇവരെ സര്ക്കാര് പുനരധിവസിപ്പിക്കും. ഒരുകാരണവശാലും ഈ കുടുംബങ്ങള് പെരുവഴിയില് ആകില്ലെന്നും മന്ത്രി റോജി എം ജോണ് വ്യക്തമാക്കി.
ഇന്ന് കുടിയിറക്കല് നടപടി പൂര്ത്തിയാക്കണം എന്നാണ് പെരുമ്പാവൂര് മുന്സിഫ് കോടതിയുടെ നിര്ദേശം. അഭിഭാഷക കമ്മീഷനും ആമീനും സ്ഥലത്ത് എത്തും. പൊലീസിന്റെ ഭാഗത്ത് നിന്ന് ബലപ്രയോഗം ഉണ്ടാകില്ലെന്നും മന്ത്രി താമസക്കാര്ക്ക് ഉറപ്പ് നല്കിയിട്ടുണ്ട്. എന്നാല് മന്ത്രിയുടെ വാക്കുകളില് വിശ്വാസമില്ലെന്നായിരുന്നു മുന് എംഎല്എയും സിപിഐഎം നേതാവുമായ പി വി ശ്രീനിജിന്റെ പ്രതികരണം.
