യൂറോപ്പ ലീ​ഗിൽ കുതിപ്പ് തുടർന്ന് ലവർകൂസൻ; ആൻഫീൽഡിൽ കാലിടറി ലിവർപൂൾ

യൂറോപ്പ ലീ​ഗ് ക്വാർട്ടർ ആദ്യ പാദത്തിൽ ലവർകൂസനും റോമക്കും ബെൻഫിക്കക്കും ജയം. അതേസമയം ലിവർപൂളിനെ ഇറ്റാലിയൻ ക്ലബ്ബ് അറ്റ്ലാന്റ അട്ടിമറിച്ചു. തുടർച്ചയായ 42ാം വിജയമാണ് സാബി അലോൺസോയും സംഘവും നേടിയത്. ഇം​ഗ്ലീഷ് ക്ലബ്ബ് വെസ്റ്റ്ഹാമിനെ എതിരില്ലാത്ത രണ്ട് ​ഗോളുകൾക്കാണ് തോൽപ്പിച്ചത്. ഇം​ഗ്ലീഷ് ക്ലബ്ബ് ലിവർപൂൾ സ്വന്തം ​ഗ്രൗണ്ടായ ആൻഫീൽഡിൽ മൂന്ന് ​ഗോളുകൾക്ക് അറ്റ്ലാന്റയോടാണ് തോറ്റത്. ഇതോടെ രണ്ടാം പാദം ലിവർപൂളിന് നിർണായകമായി. ഇറ്റാലിയൻ ക്ലബ്ബുകൾ തമ്മിലുള്ള പോരാട്ടത്തിൽ റോമ വിജയം സ്വന്തമാക്കി. എസി മിലാനെ ഏകപക്ഷീയമായ ഒരു ​ഗോളിനാണ് തോൽപ്പിച്ചത്. പോർച്ചു​ഗൽ ക്ലബ്ബ് ബെൻഫിക്ക് ഒന്നിനെതിരെ രണ്ട് ​ഗോളുൾക്ക് ഫ്രഞ്ച് ക്ലബ്ബ് മാർസയെ തോൽപ്പിച്ചു. സൂപ്പർ താരങ്ങളായ ഏഞ്ചൽ ഡി മരിയയും ഔബമയാങ്ങും ഇരു ടീമുകൾക്കുമായി ​ഗോൾ നേടി. രണ്ടാം പാദം 19ന് നടക്കും.