ലോക്സഭയിലെ പ്രതിഷേധം : ഹൈബിയും ഡീനും അടക്കം എട്ട് പ്രതിപക്ഷ എംപിമാര്ക്ക് സസ്പെന്ഷന്
മുഖ്യമന്ത്രിയുടെ മകളുടെത്തുള്പ്പെടെ നാലു കേസിലെ പുനഃപരിശോധനാ ഹര്ജിയിൽ പിഴയിട്ടത് റദ്ദാക്കില്ല : ഹൈക്കോടതി
February 3, 2026
മെൽബണിലെ 426 കിലോ ഭാരമുള്ള ഗാന്ധിജിയുടെ വെങ്കലപ്രതിമ മോഷണം പോയി
February 3, 2026
ന്യൂഡല്ഹി : ലോക്സഭയിലെ പ്രതിഷേധത്തില് പ്രതിപക്ഷ എംപിമാര്ക്കെതിരെ നടപടിയുമായി സ്പീക്കര്. ഡീന് കുര്യാക്കോസ്, ഹൈബി ഈഡന് എന്നിവരടക്കം എട്ട് പ്രതിപക്ഷ എംപിമാരെയാണ് സസ്പെന്ഡ് ചെയ്തത്. ഈ സമ്മേളനത്തിന്റെ ശേഷിക്കുന്ന കാലയളവിലേക്കാണ് സസ്പെന്ഷന്.
ലോക്സഭയിലെ ബഹളവും ചെയറിന് നേരെ പേപ്പറുകള് എറിഞ്ഞ സംഭവവുമായി ബന്ധപ്പെട്ടാണ് നടപടി. ഹൈബി ഈഡന്, ഡീന് കുര്യാക്കോസ്, അമരീന്ദര് സിങ്, രാജ വാറിംഗ്, മാണിക്കം ടാഗോര്, ഗുര്ജീത് സിംഗ് ഔജ്ല, കിരണ് കുമാര് റെഡ്ഡി, പ്രശാന്ത് പഡോളെ, എസ് വെങ്കിടേശന് തുടങ്ങിയ എംപിമാരെയാണ് സസ്പെന്ഡ് ചെയ്തത്. പ്രതിപക്ഷ ബഹളത്തെത്തുടര്ന്ന് ലോക്സഭ ഇന്നത്തേക്ക് പിരിഞ്ഞു.
മുന് കരസേന മേധാവി എം എം. നരവനെയുടെ പുസ്തകത്തിലെ ചൈനീസ് അതിര്ത്തിയിലെ സംഭവത്തെക്കുറിച്ചുള്ള ഭാഗം പ്രതിപക്ഷം ഇന്നും ലോക്സഭയില് പരാമര്ശിച്ചു. ഭരണപക്ഷ പ്രതിപക്ഷ ബഹളത്തെ തുടര്ന്ന് സഭാ നടപടികള് തടസ്സപ്പെട്ടു. പിന്നീട് രാഹുല് ഗാന്ധി വിഷയം വീണ്ടും ഉന്നയിക്കാന് ശ്രമിച്ചു. അനുമതി നിഷേധിച്ചതോടെ നടുത്തളത്തില് ഇറങ്ങി പേപ്പര് വലിച്ചെറിഞ്ഞ് പ്രതിപക്ഷ അംഗങ്ങള് പ്രതിഷേധിക്കുകയായിരുന്നു.
