മാസപ്പടി കേസ് : വീണയുടെ പിണറായിയിലെ ഭൂമി പരിശോധിച്ച് ഇഡി
അഹമ്മദാബാദ് സ്ഫോടന പരമ്പര : 38 പേരുടെ വധശിക്ഷ ശരിവെച്ച് ഗുജറാത്ത് ഹൈക്കോടതി
July 8, 2026
വയനാട് ദുരന്തത്തില് ഇരട്ട അന്വേഷണം; തുരങ്കനിർമ്മാണം തുടരുക അപകട സാധ്യത പരിശോധിച്ച ശേഷം മാത്രം : മുഖ്യമന്ത്രി
July 8, 2026
കണ്ണൂര് : പ്രതിപക്ഷ നേതാവ് പിണറായി വിജയന്റെ മകള് ടി വീണയുടെ കണ്ണൂരിലെ ഭൂമി പരിശോധിച്ച് മാസപ്പടി കേസ് അന്വേഷിക്കുന്ന ഇ ഡി ഉദ്യോഗസ്ഥര്. ഭൂമിയുടെ ആധാരവുമായി എത്തിയായിരുന്നു ഉദ്യോഗസ്ഥരുടെ പരിശോധന. ഇന്നലെ രാവിലെയായിരുന്നു പരിശോധന നടത്തിയത്.
വില്ലേജ് ഓഫീസറുടെ സഹായത്തോടെ 80 സെന്റ് ഭൂമിയും വീടിനു സമീപത്തുള്ള സ്ഥലവും പരിശോധിച്ചു. വില്ലേജ് ഓഫിസര് കാണിച്ചുകൊടുത്ത ഈ സ്ഥലത്തിന്റെയും ഫോട്ടോകള് പകര്ത്തിയ ശേഷമാണ് സംഘം മടങ്ങിയത്. ഭൂമിയുടെ നികുതി രേഖകള് ഇ ഡി ഉദ്യോഗസ്ഥര് കൊണ്ടുപോയി.
സിഎംആര്എല്- എക്സാലോജിക് സാമ്പത്തിക ഇടപാടു കേസില് പിണറായി വിജയന്റെ മകള് ടി വീണയെ രണ്ടു തവണ ഇഡി ചോദ്യം ചെയ്തിരുന്നു. മൂന്നാം തവണയും ചോദ്യ ചെയ്യുമെന്ന സൂചനകള്ക്കിടെയാണ് കണ്ണൂര് പിണറായിയിലെ ഭൂമിയില് പരിശോധന നടത്തിയത്. നേരത്തെ വീണയുടെ ബാങ്ക് ലോക്കറും ഇഡി ഉദ്യോഗസ്ഥര് പരിശോധിച്ചിരുന്നു.
