അരൂര്– തുറവൂര് ഉയരപ്പാത ഗര്ഡറുകള് പിക്കപ്പ് വാനിന് മുകളിലേക്ക് പതിച്ച് ഡ്രൈവര് ദാരുണാന്ത്യം
തുലാവര്ഷം : ഇന്നും നാളെയും ഇടിമിന്നലോടു കൂടിയ ശക്തമായ മഴ; യെല്ലോ അലര്ട്ട്
November 13, 2025
റെക്കോര്ഡിട്ട് ഇ- ഹെല്ത്ത്; 1001 ആശുപത്രികളില് സജ്ജം
November 13, 2025
ആലപ്പുഴ : അരൂര്– തുറവൂര് ഉയരപ്പാത നിര്മാണത്തിനിടെ ഗര്ഡറുകള് പിക്കപ്പ് വാനിന് മുകളിലേക്ക് പതിച്ച് ഡ്രൈവര് മരിച്ചു. പത്തനംതിട്ട സ്വദേശി രാജേഷ് ആണ് മരിച്ചത്. പുലര്ച്ചെ മൂന്നുമണിയോടെയായിരുന്നു അപകടം.
രണ്ട് ഗര്ഡറുകളാണ് വീണത്. എറണാകുളത്തു നിന്നും പത്തനംതിട്ടയിലേക്ക് മുട്ടയുമായി പോകുകയായിരുന്ന പിക്കപ്പ് വാനിനു മുകളിലേക്കാണ് ഗര്ഡറുകള് വീണത്. ക്രയിനുപയോഗിച്ച് ഗര്ഡറുകള് നീക്കി പിക്കപ്പ്വാനിനുള്ളില് കുടുങ്ങി മരിച്ച ഡ്രൈവറെ പുറത്തെടുത്തു. വാഹനം വെട്ടിമുറിച്ചാണ് ഡ്രൈവറെ പുറത്തെടുത്തത്.
ഗര്ഡര് സ്ഥാപിക്കുന്നതിനിടെ വാഹനങ്ങള് കടത്തിവിട്ടതാണ് അപകടത്തിന് കാരണമെന്നാണ് സൂചന. ഉണ്ടായത് വന് സുരക്ഷാവീഴ്ചയാണെന്നും പ്രദേശവാസികള് പറയുന്നു. ഗര്ഡറുകള് സ്ഥാപിക്കുന്നതിനിടെ ജാക്കികള് തെന്നിയതും അപകടത്തിനിടയാക്കി. ഗര്ഡറിനടിയില് കുടുതല് ആളുകള് ഉണ്ടോയെന്നതും പരിശോധിക്കുന്നു. അപകടത്തെ തുടര്ന്ന് ദേശീയപാതയില് വാഹനങ്ങള് വഴി തിരിച്ചുവിടുന്നു.
