മണിക്കൂറുകളോളം ഇയര്ഫോണുകളും ഹെഡ്ഫോണുകളും ഉപയോഗിക്കുന്നുണ്ടോ ? കേൾവി ശക്തി ഒന്ന് പരിശോധിച്ചോളൂ
അമേരിക്ക, ഇസ്രയേൽ, യൂറോപ് ഒഴികയുള്ള രാജ്യങ്ങൾക്കായി ഹോർമൂസ് കടലിടുക്കിലൂടെ ചരക്ക് കപ്പൽ സേവനം പുനഃസ്ഥാപിച്ച് ഇറാൻ
March 7, 2026
കേള്വി പ്രശ്നങ്ങളും, തകരാറുകളും കേള്ക്കുമ്പോള് നമ്മുടെ മനസ്സില്ഇതെല്ലാം വാര്ദ്ധക്യസഹജമായ ഒരു അസുഖമായാണ് തോന്നാറുള്ളത്. എന്നാല് ഇന്നത്തെകാലത്ത് കുട്ടികള് മുതല് മുതിര്ന്നവര് വരെ പല കാരണങ്ങളാല് കേള്വി സംബന്ധമായ ബുദ്ധിമുട്ടുകള് നേരിടുന്നുണ്ട്. നിത്യജീവിതത്തില് നിസ്സാരമെന്ന് നമ്മള് കരുതുന്ന പല കാര്യങ്ങളും കേള്വിശക്തിയെ കാര്യമായിതന്നെ ബാധിക്കുന്നുണ്ട്.
ഉയര്ന്ന ശബ്ദ സംവിധാനങ്ങള്, നിര്മ്മാണപ്രവര്ത്തനങ്ങള്, ഇയര്ഫോണുകള് മണിക്കൂറുകളോളം ഉപയോഗിക്കുന്നത്തുടങ്ങി നിരവധി കാരണങ്ങള്.എന്നാല് മറ്റ് അസുഖങ്ങളെ പോലെ അതായത് കണ്ണിന് കാഴ്ച കുറവ് അനുഭവപ്പെടുന്നത് പോലെ നമ്മളുടെ ചെവിക്ക് ഉണ്ടാകുന്ന കേള്വിക്കുറവ് തിരിച്ചറിയപ്പെടണം എന്നില്ല, അത്കൊണ്ട് തന്നെ നമ്മള് പലപ്പോഴും ഇത് അവഗണിക്കുന്നു. എന്നാല് ഇത് ദൈനംദിന ജീവിതത്തെ ബാധിക്കാന് തുടങ്ങുമ്പോഴാണ് പലരും ഇതൊരു പ്രശ്നമായി കണക്കിലെടുക്കുന്നത്തന്നെ. പ്രത്യേകിച്ചും പ്രായമായ ആളുകളുടെ കാര്യത്തില് വാര്ദ്ധക്യത്തിന്റെ ഭാഗമായി കേള്വിക്കുറവിനെ അവഗണിക്കാറുണ്ട്.
നവജാതശിശുക്കളില് ജനനസമയത്ത് തന്നെ പരിശോധന നടത്തേണ്ടതുണ്ട്. ഇത് വളരെ ലളിതമായഒന്നാണ്. OAE (Otoacoustic Emission), ABR (Auditory Brainstem Response) പോലുള്ള ഓഡിയോളജി പരിശോധനകള് വഴി കുഞ്ഞുങ്ങളുടെ കേള്വിശക്തി വളരെ നേരത്തെ തന്നെ വിലയിരുത്താന് സാധിക്കും.
ഈ പരിശോധനയിലൂടെ പ്രശ്നങ്ങ ള്നേരത്തെ കണ്ടെത്താന് കഴിഞ്ഞാല് കുട്ടിയുടെ ആശയവിനിമയശേഷി, പഠന കാര്യക്ഷമത, ഭാഷാവികാസം എന്നിവ മെച്ചപ്പെടുത്താന് ആകും. ഇത്തരം പരിശോധനകള് സാധാരണയായി Audiologist മാര്മുഖേന നടത്തപ്പെടുന്നതാണ്. കൂടാതെ സ്കൂളുകളിലും കൃത്യമായ ഇടവേളകളില് Audiological hearing screening പരിശോധനകള് നടത്തേണ്ടത് അത്യാവശ്യമാണ്.
കുട്ടികളുടെ കാര്യത്തില് പ്രത്യേകിച്ചും കേള്വി പ്രശ്നം നേരത്തെ കണ്ടെത്തിയില്ലെങ്കില് അവരുടെ ഭാഷാവികാസവും അതുവഴി വിദ്യാഭ്യാസമേഖലയിലും ഒരുപാട് തടസ്സങ്ങള് അവര് നേരിടേണ്ടിവരും. മുതിര്ന്നവരില് കേള്വിക്കുറവ് പലപ്പോഴും വിഷാദത്തിനും, ഒറ്റപ്പെടലിനും കാരണമാകുന്നു. അതുകൊണ്ടുതന്നെ കേള്വിയും ആയി ബന്ധപ്പെട്ട പ്രശ്നങ്ങള് എത്രയും പെട്ടെന്ന് തന്നെ തിരിച്ചറിഞ്ഞ് ഒരു ENT വിദഗ്ധനോടൊപ്പം Audiologist നെയുംസമീപിച്ച് ആവശ്യമായ കേള്വി പരിശോധനകള് നടത്തേണ്ടതാണ്.
ഇയര്ഫോണുകളിലൂടെയും, ഹെഡ്സെറ്റുകളിലൂടെയും നിരന്തരമായ കോളുകള് ചെയ്യുന്നതും പാട്ട് കേള്ക്കുന്നതും കേള്വിയെ പ്രതികൂലമായി ബാധിക്കുന്നു. കാലക്രമത്തില് ഇത് കേള്വി പൂര്ണ്ണമായും നഷ്ടപ്പെടുന്നതിന് വരെ കാരണമായേക്കാം.
കൂടാതെ ശബ്ദമലിനീകരണം ഉള്ള അന്തരീക്ഷത്തില് ജോലി ചെയ്യുന്നവ ര്കേള്വി സംരക്ഷിക്കുന്നതിന് വേണ്ടി Hearing protection devices (ear plugs / ear muffs) ഉപയോഗിക്കേണ്ടതുണ്ട്. അതുപോലെ തന്നെ കുട്ടികള് മുതിര്ന്നവര് ഇവരില് എല്ലാം ഉണ്ടാകുന്ന ചെവിയിലെ അണുബാധകളും മറ്റ് അസുഖങ്ങളും നേരത്തെ തന്നെ കണ്ടെത്തുന്നത് കേള്വി സംരക്ഷിക്കുന്നതിന് സഹായിക്കും. ചെവിയില്വേദന, പഴുപ്പ് വരിക അല്ലെങ്കില് മറ്റേതെങ്കിലും തരത്തില് കേള്വി കുറവ് അനുഭവപ്പെടുക എന്നീ ലക്ഷണങ്ങള് കണ്ടാല് ഉടന് തന്നെ ഒരു ENT വിദഗ്ധനെയും Audiologist നെയും സമീപിച്ച് പരിശോധന നടത്തേണ്ടതാണ്.
പണ്ടുകാലത്തേതു പോലെ കേള്വിശക്തി നഷ്ടമായി എന്നു പറയുന്നത് ഇന്ന് കേട്ടുകേള്വിയില്ലാത്ത ഒരു കാര്യമാണ് ; കാരണം നിരവധി ശ്രവണസഹായികള് (Hearing Aids), കോക്ലിയര്ഇമ്പ്ലാന്റ് (Cochlear Implants) കളും, സമാനമായ മറ്റ് സാങ്കേതിക വിദ്യകളും പരിശീലനവും ഇന്ന് ലഭ്യമാണ്. Audiologist മാര്നടത്തുന്ന കേള്വി വിലയിരുത്തലുകളും കേള്വി ഉപകരണങ്ങളുടെ ക്രമീകരണവും (fitting and programming) വഴി കേള്വിശക്തി മെച്ചപ്പെടുത്താനും സാധാരണ ജീവിതം മുന്നോട്ടുനയിക്കാനും സാധിക്കും.
കേള്വി സംരക്ഷിക്കുന്നതില് എന്തെല്ലാം കാര്യങ്ങള് നമുക്ക് ചെയ്യാന് സാധിക്കും.
അമിത ശബ്ദസാന്ദ്രതയുള്ള സ്ഥലങ്ങളില് പോകുമ്പോള് ഇയര്പ്ലഗ്ഗുകള് ഉപയോഗിക്കുക അല്ലെങ്കില് അത്തരം സാഹചര്യങ്ങളില് നിന്നും മാറി നില്ക്കുക, മണിക്കൂറുകളോളം ഇയര്ഫോണുകളും ഹെഡ്ഫോണുകളും ഉപയോഗിക്കാതിരിക്കുക, ശരീരശുചിത്വം പോലെ തന്നെ ചെവിയുടെ ശുചിത്വവും ഉറപ്പുവരുത്തുക. എന്നാല് ചെവിയിലെ കായം നീക്കം ചെയ്യുന്നതിന് ബ്ഡ്സ് ,തൂവല്, കൂര്ത്തമുനയുള്ള മറ്റെന്തെങ്കിലുമോ ഉപയോഗിക്കുന്നത് കേള്വിക്കുറവിനെക്കാള് ഉപരി മുഴുവനായി കേള്വി നഷ്ട്ടപ്പെടുന്നതിന് കാരണമായേക്കാം. അതുകൊണ്ട് ഇത്തരം സാഹസികങ്ങള്ക്ക് മുതിരാതിരിക്കുന്നതാണ് നല്ലത്.
ഇപ്രകാരം ചില മുന്കരുതലുകള് എടുത്താല് തന്നെ കേള്വിക്കുറവ് ഒരു പരിധി വരെ തടയാന് നമുക്ക് സാധിക്കും. ഇതിന് സ്കൂളുകള്, രക്ഷിതാക്കള് ,മറ്റ് ആരോഗ്യ സംവിധാനങ്ങള് എല്ലാവരും ഒന്നായി പ്രവര്ത്തിക്കേണ്ടതുണ്ട്. കൂടാതെ Audiologist മാര് നടത്തുന്ന കൃത്യമായ hearing screening പരിപാടികളും ബോധവല്ക്കരണ പ്രവര്ത്തനങ്ങളും സമൂഹത്തില് കേള്വി ആരോഗ്യത്തെ സംരക്ഷിക്കാന് വലിയ പങ്ക് വഹിക്കുന്നു.
തയ്യാറാക്കിയത് :
ഫാത്തിമ ഷെര്ബിന് സിനവാസ്
ക്ലിനിക്കല് ഓഡിയോളജിസ്റ്റ്
അമൃതഹോസ്പിറ്റല്, കൊച്ചി.
