നടിയെ അപമാനിച്ചെന്ന പരാതി : സംവിധായകന് സനല് കുമാര് ശശിധരന് ജാമ്യം
കൊട്ടാരക്കരയില് ട്രെയിനിന് അടിയില്പെട്ട് യുവതിയ്ക്ക് ദാരുണാന്ത്യം
September 9, 2025
ഫ്രീഡം ഫ്ലോട്ടില കപ്പലിന് നേരെ ടുണീഷ്യയിൽ ഡ്രോൺ ആക്രമണം
September 9, 2025
കൊച്ചി : നടിയെ അപമാനിച്ചെന്ന പരാതിയില് പൊലീസ് അറസ്റ്റ് ചെയ്ത സംവിധായകന് സനല് കുമാര് ശശിധരന് ജാമ്യം. എറണാകുളം മജിസ്ട്രേറ്റ് കോടതിയാണ് സംവിധായകന് ജാമ്യം അനുവദിച്ചത്.
നടിയുടെ പരാതിയില് ലുക്ക്ഔട്ട് നോട്ടീസിനെ തുടര്ന്നു മുംബൈ വിമാനത്താവളത്തില് ഞായഴാഴ്ച തടഞ്ഞ സനല് കുമാര് ശശിധരനെ എളമക്കര എസ്എച്ച്ഒയുടെ നേതൃത്വത്തിലുള്ള സംഘമാണ് കൊച്ചിയിലെത്തിച്ചത്. റെയില്വേ സ്റ്റേഷനില് എത്തിയ സനല്കുമാര് ക്ഷുഭിതനായാണ് സംസാരിച്ചത്. മാധ്യമങ്ങളോട് സംസാരിക്കവെ ഇയാള്, പ്ലാറ്റ്ഫോമില് വീഴുകയും ചെയ്തു. സനല് കുമാര് ശശിധരന്റെ മൊബൈല് ഫോണ് എളമക്കര പൊലീസ് കസ്റ്റഡിയിലെടുത്തിട്ടുണ്ട്. ഇന്നലെ രാത്രിയാണ് സനല് കുമാര് ശശിധരനെ കൊച്ചിയിലെത്തിച്ചത്. വൈദ്യപരിശോധനയ്ക്ക് ശേഷമാണ് സംവിധായകന്റെ അറസ്റ്റ് രേഖപ്പെടുത്തിയത്. സ്ത്രീത്വത്തെ അപമാനിക്കുക, അപവാദ പ്രചാരണം നടത്തുക, വ്യാജ ശബ്ദ സന്ദേശം പ്രചരിപ്പിക്കുക തുടങ്ങിയ പരാതികളാണ് സംവിധായകനെതിരെ നടി നല്കിയത്. ചോദ്യം ചെയ്യലിന് ശേഷമാണ് സംവിധായകനെ ഇന്ന് കോടതിയില് ഹാജരാക്കിയത്. തനിക്കെതിരെയുള്ള പരാതികള് കെട്ടിച്ചമച്ചതാണെന്ന് സംവിധായകന് പറഞ്ഞു.
