സ്വര്ണപ്പാളി തട്ടിപ്പ്: എല്ലാ വിഷയങ്ങളും അന്വേഷിക്കണം; പ്രതി ആരായാലും നടപടി ഉറപ്പെന്ന് ദേവസ്വം മന്ത്രി
ക്ഷേത്രങ്ങളിൽ ഏറ്റവും കൂടുതല് കൊള്ള നടന്നത് ഉമ്മന്ചാണ്ടി സര്ക്കാരിന്റെ കാലത്ത് : മന്ത്രി സജി ചെറിയാന്
October 12, 2025
ആമ്പല്ലൂരില് സ്കൂട്ടര് മറിഞ്ഞ് ബസിനടിയിലേക്ക് വീണ് യുവതിക്ക് ദാരുണാന്ത്യം
October 12, 2025
തിരുവനന്തപുരം : ശബരിമല സ്വര്ണത്തട്ടിപ്പില് കുറ്റക്കാര് ആരായാലും നടപടി ഉറപ്പെന്ന് ദേവസ്വം മന്ത്രി വി എന് വാസവന്. സ്വര്ണമോഷണം സംബന്ധിച്ച് ഹൈക്കോടതിയുടെ നിലപാട് തന്നെയാണ് സര്ക്കാരിനുമുള്ളത്. എല്ലാ വിഷയങ്ങളും അന്വേഷിക്കണം, കള്ളന്മാരെ ജയിലിലാക്കണമെന്നും അദ്ദേഹം തിരുവനന്തപുരത്ത് മാധ്യമങ്ങളോട് പറഞ്ഞു.
അന്വേഷണ സംഘം പ്രതിയെ കണ്ടെത്തട്ടെ, പ്രതി ആരായാലും അവര്ക്കെതിരെ നടപടി ഉറപ്പാണ്. കേസില് സര്ക്കാരിന് ഒന്നും ഒളിക്കാനില്ല. തട്ടിപ്പില് ഉണ്ണികൃഷ്ണന് പോറ്റിയാണ് തട്ടിപ്പിന് നേതൃത്വം നല്കിയത്. അതിനുള്ള തെളിവുകള് ലഭിച്ചുവരികയാണ്. സത്യം അന്വേഷണത്തില് തെളിയട്ടെയെന്നും ദേവസ്വം മന്ത്രി പ്രതികരിച്ചു.
അതിനിടെ, ശബരിമല സ്വര്ണ കവര്ച്ചയില് എഫ്ഐആര് രജിസ്റ്റര് ചെയ്തതിന് പിന്നാലെ ഉണ്ണികൃഷ്ണന് പോറ്റിയുടെ മൊഴിയെടുക്കാനാണ് നീക്കം തുടങ്ങി എസ്ഐടി. ആദ്യം പോറ്റിയോട് ചോദ്യം ചെയ്യലിന് ഹാജരാകാന് ആവശ്യപ്പെട്ടെന്നാണ് റിപ്പോര്ട്ടുകള്. വ്യത്യസ്ത ടീമുകളായി തിരിഞ്ഞ് ചെന്നൈയിലേക്കും ബംഗളൂരുവിലേക്കും ഉള്പ്പെടെ എസ് ഐ ടി അന്വേഷണം വ്യാപിപ്പിക്കും. അതിനിടെ, അറ്റകുറ്റപ്പണി കഴിഞ്ഞ ദ്വാരപാലക ശില്പ പാളികള് അമിക്കസ് ക്യൂറി ഇന്ന് പരിശോധിക്കും. സ്ട്രോങ്ങ് റൂം പരിശോധന ഇന്നും തുടരും. ശബരിമല സ്വര്ണ്ണക്കൊള്ളയില് ഉണ്ണിക്കൃഷ്ണന് പോറ്റിയെയും ദേവസ്വം ഉദ്യോഗസ്ഥരെയും അടക്കം പ്രതികളാക്കി രണ്ടു കേസുകളാണ് രജിസ്റ്റര് ചെയ്തിരിക്കുന്നത്.
