കുസാറ്റ് ദുരന്തം ; മന്ത്രി രാജീവും ബിന്ദുവും കൊച്ചിയിലേക്ക്

കൊച്ചി : കുസാറ്റ് ദുരന്തത്തിനു പിന്നാലെ കൊച്ചിയിലേക്ക് തിരിച്ച് മന്ത്രിമാരായ പി രാജീവും, ആർ ബിന്ദുവും. നവ കേരള സ​ദസിന്റെ ഭാ​ഗമായി ഇരുവരും കോഴിക്കോട്ടാണ്. ഇവിടെ നിന്നു ഇരുവരും കൊച്ചിയിലേക്ക് പുറപ്പെട്ടു. 

സർവകലാശാല ഉൾക്കൊള്ളുന്ന കളമശ്ശേരി മന്ത്രി രാജീവിന്റെ മണ്ഡലം കൂടിയാണ്. വേണ്ട നിർദ്ദേശങ്ങൾ ഉദ്യോ​ഗസ്ഥർക്കു നൽകിയതായി ഇരുവരും വ്യക്തമാക്കി. 

കളമശ്ശേരി കുസാറ്റ് സർവകലാശാല ക്യാംപസിൽ തിക്കിലും തിരക്കിലും പെട്ട് നാല് വിദ്യാർഥികളാണ് മരിച്ചത്. കുസാറ്റ് ഫെസ്റ്റിന്റെ ഭാ​ഗമായി നടന്ന ​ഗാനമേളയ്ക്കിടെയാണ് ദാരുണ സംഭവം. 64 പേർക്ക് പരിക്കേറ്റതായാണ് വിവരം. നാല് പേരുടെ നില ​ഗുരുതരമാണ്.