മാസപ്പിറവി കണ്ടു; ഇന്ന് റബീഉല് അവ്വല് ഒന്ന്; നബിദിനം സെപ്റ്റംബര് അഞ്ചിന്
കണ്ണൂരിൽ കവര്ച്ച നടന്ന വീട്ടിലെ യുവതി കര്ണാടകയില് കൊല്ലപ്പെട്ട നിലയില്; സുഹൃത്ത് കസ്റ്റഡിയില്
August 25, 2025
ഉത്തർപ്രദേശിൽ അമിത വേഗതയിൽ എത്തിയ കണ്ടെയ്നർ ട്രാക്ടറുമായി കൂട്ടിയിടിച്ച് അപകടം; 8 മരണം ,43 പേർക്ക് പരുക്ക്
August 25, 2025
കോഴിക്കോട് : കാപ്പാട് റബീഉല് അവ്വല് മാസപ്പിറവി കണ്ടതിന്റെ അടിസ്ഥാനത്തില് ഇന്ന് (തിങ്കള്) റബീഉല് അവ്വല് ഒന്ന് ആയിരിക്കും. നബിദിനം സെപ്റ്റംബര് അഞ്ചിന് (വെള്ളിയാഴ്ച) ആയിരിക്കുമെന്നും ഖാസിമാര് അറിയിച്ചു.
ഖാസിമാരായ സമസ്ത കേരള ജംഇയ്യത്തുല് ഉലമാ പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്, സമസ്ത ജനറല് സെക്രട്ടറി പ്രഫ. കെ. ആലിക്കുട്ടി മുസ്ലിയാര്, കോഴിക്കോട് ഖാസി സയ്യിദ് മുഹമ്മദ് കോയ തങ്ങള് ജമലുല്ലൈലി, പാണക്കാട് സയ്യിദ് സ്വാദിഖ് അലി ശിഹാബ് തങ്ങളുടെ നാഇബ് കൂടിയായ കോഴിക്കോട് ഖാസി സയ്യിദ് നാസര്ഹയ്യ് ശിഹാബ് തങ്ങള് എന്നിവരാണ് ഇക്കാര്യം അറിയിച്ചത്.
പ്രവാചകന് മുഹമ്മദ് നബിയുടെ ജന്മദിനം ഉള്ക്കൊള്ളുന്ന പുണ്യമാസമാണ് റബീഉല് അവ്വല്. ഒമാനിലും റബീഉല് അവ്വലിന് ഇന്ന് തുടക്കമാകുമെന്ന് മതകാര്യമന്ത്രാലയം അറിയിച്ചു. റബീഉൽ അവ്വൽ 12, അതായത് സെപ്റ്റംബർ 5 വെള്ളിയാഴ്ച ഒമാനിൽ നബിദിനം പ്രമാണിച്ച് പൊതു അവധിയായിരിക്കും.
