ശബരിമലയിലെ ഭക്തരുടെ തിരക്ക് : സ്പോട്ട് ബുക്കിങ് 20,000 മാത്രം; മറ്റുള്ളവര്ക്ക് അടുത്ത ദിവസം അവസരം
കോട്ടയത്ത് മധ്യവയസ്കന് കടന്നല് കുത്തേറ്റ് മരിച്ചു
November 18, 2025
വടകരയില് കാറിടിച്ച് കോമയിലായ ഒന്പതുവയസുകാരി ദൃഷാനയ്ക്ക് 1.15 കോടി നഷ്ടപരിഹരം
November 18, 2025
തിരുവനന്തപുരം : ശബരിമലയില് ഭക്തരുടെ വലിയ തിരക്ക് അനുഭവപ്പെടുന്നത് കണക്കിലെടുത്ത് സ്പോട്ട് ബുക്കിങ് 20,000 ആയി നിജപ്പെടുത്തിയെന്ന് ദേവസ്വം ബോര്ഡ്. കൂടുതലായി എത്തുന്നവര്ക്ക് അടുത്ത ദിവസം ദര്ശനത്തിനുള്ള ക്രമീകരണം ഏര്പ്പെടുത്തും. ഇതിനായി ഭക്തര്ക്ക് തങ്ങാന് നിലയ്ക്കലില് സൗകര്യമൊരുക്കും. മരക്കൂട്ടം ശരംകുത്തി സന്നിധാനം പാതയിലെ ക്യൂ കോംപ്ലക്സുകള് കൂടുതല് പ്രവര്ത്തനക്ഷമമാക്കുമെന്നും ദേവസ്വം ബോര്ഡ് അറിയിച്ചു.
ക്യൂ കോംപ്ലക്സില് എത്തി വിശ്രമിക്കുന്ന ഭക്തര്ക്ക് വരിനില്ക്കുന്നതിലെ മുന്ഗണന നഷ്ടമാകില്ല. ക്യൂ കോംപ്ലക്സുകളില് കുടിവെള്ളത്തിനും ലഘു ഭക്ഷണത്തിനും പുറമേ ചുക്കുകാപ്പി കൂടി ലഭ്യമാകും. ഇതിനായി ഓരോ ക്യൂ കോംപ്ലക്സിലും അധികം ജീവനക്കാരെ നിയോഗിച്ചു. പമ്പയില് എത്തിക്കഴിഞ്ഞാല് ശബരിമല ദര്ശനം പൂര്ത്തിയാക്കി നിശ്ചിത സമയത്തിനുള്ളില് തന്നെ ഭക്തര്ക്ക് മടങ്ങിപ്പോകാന് സാഹചര്യമൊരുക്കും. ഇതിനായി നിലയ്ക്കല് നിന്ന് പമ്പയിലേക്കുള്ള പ്രവേശനം ക്രമീകരിക്കും. ക്യൂ നില്ക്കുമ്പോള് ഏതെങ്കിലും ഭാഗത്ത് ഭക്തര്ക്ക് കുടിവെള്ളം ലഭിക്കുന്നതിന് തടസ്സം നേരിടുന്നുണ്ടെങ്കില് ഭക്തര്ക്ക് അരികിലേക്ക് കുടിവെള്ളം എത്തിക്കും.
അതേസമയം, തിരക്ക് നിയന്ത്രിക്കുന്നതിന്റെ ഭാഗമായി കേന്ദ്രസേന നാളെ ശബരിമലയില് എത്തും.
