വരാനിരിക്കുന്ന നിയമസഭാ തെരഞ്ഞെടുപ്പുകളില്‍ കോണ്‍ഗ്രസ് വിജയിക്കും : രാഹുല്‍ ഗാന്ധി
ഓപ്പറേഷന്‍ ഡി ഹണ്ട് : സംസ്ഥാനത്തെ1300 കേന്ദ്രങ്ങളില്‍ റെയ്ഡ്
September 24, 2023
ഓസ്ട്രേലിയക്കെതിരായ രണ്ടാം ഏകദിനത്തില്‍ ഇന്ത്യ മികച്ച സ്‌കോറിലേക്ക്
September 24, 2023
ന്യൂഡല്‍ഹി : വരാനിരിക്കുന്ന നിയമസഭാ തെരഞ്ഞെടുപ്പുകളില്‍ കോണ്‍ഗ്രസ് വിജയിക്കുമെന്ന് ആത്മവിശ്വാസം പ്രകടിപ്പിച്ച് രാഹുല്‍ ഗാന്ധി. കര്‍ണാടക തങ്ങള്‍ക്ക് ഒരു പ്രധാനപ്പെട്ട പാഠമായിരുന്നു.
കര്‍ണാടകയില്‍ ഉപയോഗിച്ച അതേ തന്ത്രം മറ്റ് സംസ്ഥാനങ്ങളിലും പാര്‍ട്ടി ഉപയോഗിക്കുമെന്ന് രാഹുല്‍ പറഞ്ഞു. മധ്യപ്രദേശിലും ഛത്തീസ്ഗഡിലും വിജയം സുനിശ്ചിതമാണെന്ന് രാഹുല്‍ പറഞ്ഞു. തെലങ്കാനയിലും പാര്‍ട്ടി വിജയിക്കാനാണ് കുടുതല്‍ സാധ്യത. രാജസ്ഥാനില്‍ തങ്ങള്‍ വിജയത്തോട് വളരെ അടുത്താണ്. വിജയിക്കാന്‍ കഴിയുമെന്നാണ് പ്രതീക്ഷയെന്നും രാഹുല്‍ കൂട്ടിച്ചേര്‍ത്തു. തങ്ങള്‍ പറയാനുദ്ദേശിക്കുന്ന കാര്യങ്ങളില്‍നിന്ന് ശ്രദ്ധ തിരിച്ചാണ് ബിജെപി തെരഞ്ഞടുപ്പുകളില്‍ വിജയിക്കുന്നത്.
ജാതി സെന്‍സസ് ആവശ്യത്തില്‍നിന്ന് ശ്രദ്ധ തിരിക്കാനുള്ള ബിജെപി തന്ത്രമാണ് രമേശ് ബിധുരി വിവാദം. തുല്യത ഉറപ്പാക്കാന്‍ ജാതി സെന്‍സസ് അത്യാവശ്യമാണ്. ഒരു രാജ്യം, ഒരു തെരഞ്ഞെടുപ്പ് എന്ന വിഷയത്തില്‍ ചര്‍ച്ച ഉയര്‍ത്തിക്കൊണ്ടുവന്നതും ഇന്ത്യയുടെ പേര് മാറ്റാനുള്ള ശ്രമവുമെല്ലാം ബിജെപിയുടെ തെരഞ്ഞെടുപ്പ് തന്ത്രങ്ങളാണെന്നും രാഹുല്‍ വിമര്‍ശിച്ചു.
