ശ്രദ്ധ കേന്ദ്രീകരിക്കുക 255 സീറ്റില്‍ മാത്രം; ജയിച്ചുകയറാന്‍ പുതു ഫോര്‍മുലയുമായി കോണ്‍ഗ്രസ്
എല്ലാ മെഡിക്കല്‍ കോളേജുകളിലും എമര്‍ജന്‍സി മെഡിസിന്‍ വിഭാഗം; അധിക തസ്തികകള്‍ സൃഷ്ടിച്ച് ആരോഗ്യ വകുപ്പ്
January 8, 2024
ട്രെയിന്‍ യാത്രയ്ക്കിടെ പത്താം ക്ലാസ് വിദ്യാര്‍ഥിയുടെ കാല്‍ വിരല്‍ നഷ്ടമായി
January 8, 2024
ന്യൂഡൽഹി: ലോക്സഭാ തിരഞ്ഞെടുപ്പിന്റെ മുന്നൊരുക്കങ്ങളുമായി കോണ്‍ഗ്രസ്. ജയസാധ്യതയുള്ള സീറ്റുകളില്‍ മാത്രം ശ്രദ്ധ കേന്ദ്രീകരിക്കാനാണ് ഇക്കുറി കോണ്‍ഗ്രസിന്റെ തീരുമാനം. ഇതിന്റെ ഭാഗമായി ജയസാധ്യത അല്‍പ്പമെങ്കിലുമുള്ള 255 സീറ്റില്‍മാത്രം ഊന്നിയാണ് പ്രചരണം സംഘടിപ്പിക്കുക. ഇക്കാര്യത്തില്‍ കോണ്‍ഗ്രസ് ഹൈക്കമാന്‍ഡ് ഔദ്യോഗിക തീരുമാനം എടുത്തിട്ടുണ്ടെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു.
തിരഞ്ഞെടുപ്പ് ഒരുക്കങ്ങള്‍ വിലയിരുത്താന്‍ കഴിഞ്ഞദിവസം ഡല്‍ഹിയില്‍ ചേര്‍ന്ന യോഗമാണ് സംസ്ഥാന ഘടകങ്ങള്‍ക്ക് കര്‍ശന നിര്‍ദേശം നല്‍കിയത്. ഇന്ത്യ കൂട്ടായ്മയിലെ കക്ഷികളുമായി സാധ്യമായ സ്ഥലങ്ങളിലെല്ലാം ധാരണയിലെത്താനും നിര്‍ദേശിച്ചിട്ടുണ്ട്. 2019ല്‍ 421 സീറ്റില്‍ മത്സരിച്ച കോണ്‍ഗ്രസ് 52ല്‍ മാത്രമാണ് ജയിച്ചത്. ബിജെപിയെ മുഖാമുഖം എതിരിട്ട 235 സീറ്റില്‍ 227 സീറ്റിലും തോറ്റിരുന്നു. സംസ്ഥാന ചുമതലക്കാര്‍, പിസിസി പ്രസിഡന്റുമാര്‍, നിയമസഭാ കക്ഷിനേതാക്കള്‍ എന്നിവര്‍ പങ്കെടുത്ത യോഗത്തില്‍ പ്രസിഡന്റ് മല്ലികാര്‍ജുന്‍ ഖാര്‍ഗെയാണ് മത്സരിക്കുന്ന സീറ്റുകളുടെ എണ്ണം ജയസാധ്യത വിലയിരുത്തി പരിമിതപ്പെടുത്താന്‍ നിര്‍ദേശിച്ചിരിക്കുന്നത്.
