മുണ്ടക്കൈ-ചൂരല്മല ഉരുള്പൊട്ടല് : ദുരന്തബാധിതര്ക്കായുള്ള ഭവനപദ്ധതിക്കായി കോണ്ഗ്രസ് ഭൂമി വാങ്ങി
സംസ്ഥാന സ്കൂള് കലോത്സവത്തിന് ഇന്ന് തൃശൂരിൽ അരങ്ങുണരും
January 14, 2026
നിയമസഭ തെരഞ്ഞെടുപ്പ് : കോണ്ഗ്രസ് സ്ഥാനാര്ത്ഥി നിര്ണയ ചര്ച്ചകള്ക്കായി മധുസൂദന് മിസ്ത്രി തിരുവനന്തപുരത്ത്
January 14, 2026
കല്പ്പറ്റ : മുണ്ടക്കൈ-ചൂരല്മല ഉരുള്പൊട്ടല് ദുരന്തബാധിതര്ക്കായുള്ള ഭവനപദ്ധതിക്കായി കോണ്ഗ്രസ് ഭൂമി വാങ്ങി. മേപ്പാടി പഞ്ചായത്തിലെ കുന്നമ്പറ്റയില് മൂന്നേക്കാല് ഏക്കര് ഭൂമിയാണ് വാങ്ങിയത്. കെപിസിസി പ്രസിഡന്റിന്റെ പേരിലാണ് ഭൂമി റജിസ്റ്റര് ചെയ്തിരിക്കുന്നത്.
1100 സ്ക്വയര് ഫീറ്റുള്ള വീടും എട്ട് സെന്റ് സ്ഥലവുമാണ് കോണ്ഗ്രസ് നല്കുക എന്നാണ് സൂചന. വൈകാതെ രണ്ട് ഇടങ്ങളില് ഭൂമി വാങ്ങും. കോണ്ഗ്രസും യൂത്ത് കോണ്ഗ്രസും ചേര്ന്ന് 100 വീടുകള് നിര്മിക്കുമെന്നാണ് വിവരം.
ഭൂമി വാങ്ങാന് വൈകിയതിനെ തുടര്ന്നുണ്ടായ ആരോപണങ്ങളെ രാഷ്ട്രീയമായി മാത്രമാണ് കാണുന്നുള്ളുവെന്ന് ഡിസിസി പ്രസിഡന്റ് പറഞ്ഞു. ദുരന്ത ബാധിതര്ക്ക് പ്രഖ്യാപിച്ച ജീവനോപാധി സര്ക്കാര് ഇപ്പോഴും നല്കിയിട്ടില്ല. ദുരന്തബാധിതരുടെ കടം എഴുതള്ളാന് സര്ക്കാറോ ബാങ്കുകളോ തയ്യാറായിട്ടില്ല. ദുരന്ത ബാധിതര് താമസിക്കുന്ന ഇടത്തിന്റെ വാടക കൃത്യമായി കൊടുക്കുന്നില്ലെന്നും ഡിസിസി പ്രസിഡന്റ് ആരോപിച്ചു. കോണ്ഗ്രസ് 100 ഉം യൂത്ത് കോണ്ഗ്രസ് 30 ഉം വീടുകള് നിര്മിച്ച് നല്കുമെന്നായിരുന്നു പ്രഖ്യാപനം.
