നിയമസഭാ തെരഞ്ഞെടുപ്പിലെ കെ സുധാകരന്റെ സ്ഥാനാര്ഥിത്തിൽ പുകഞ്ഞ് കോൺഗ്രസ്
പെട്രോള് പമ്പുകള് ഇന്ധനം വിതരണത്തിൽ സുരക്ഷാ മാര്ഗ്ഗനിര്ദ്ദേശങ്ങള് കര്ശനമായി പാലിക്കണം : പെട്രോളിയം മന്ത്രാലയം
March 14, 2026
മുഹമ്മദ് റിയാസ് റോഡ് ഷോ നടത്തിയ വാഹനത്തിന് ഫിറ്റ്നസ് ഇല്ല; പരാതി നല്കി ബിജെപി
March 14, 2026
തിരുവനന്തപുരം : സ്ഥാനാര്ഥിത്വവുമായി ബന്ധപ്പെട്ട് പാര്ട്ടിയുമായി ഇടഞ്ഞ കെപിസിസി മുന് അധ്യക്ഷന് കെ. സുധാകരനെതിരെ നിലപാട് കടുപ്പിച്ച് കോണ്ഗ്രസ്. സ്ഥാനാര്ഥിയാക്കാമെന്ന് ആര്ക്കും ഉറപ്പ് കൊടുത്തിട്ടില്ലെന്നും സ്ഥാനാര്ഥിയെ പാര്ട്ടിയാണ് തീരുമാനിക്കുകയെന്നും പ്രതിപക്ഷ നേതാവ് വി ഡി സതീശന് പറഞ്ഞു.
എംപിമാര് നിയമസഭാ തെരഞ്ഞെടുപ്പില് മത്സരിക്കണോ എന്ന് തീരുമാനിക്കേണ്ടത് ഹൈക്കമാന്ഡാണ്. എം.പി മാര് ദേശീയ തലത്തില് പ്രവര്ത്തിക്കുന്നവരാണ്. അവരെ സംസ്ഥാന തെരഞ്ഞെടുപ്പില് മത്സരിപ്പിക്കണോ എന്ന് ഹൈക്കമാന്ഡാണ് തീരുമാനിക്കേണ്ടത്.
കെ സുധാകരനെ കെപിസിസി പ്രസിഡന്റ് സ്ഥാനത്തുനിന്ന് മാറ്റിയപ്പോള് ഏതെങ്കിലും തരത്തിലുള്ള ഉറപ്പ് നല്കിയോ എന്ന് തനിക്ക് അറിയില്ല. ഉറപ്പുനല്കാന് മാത്രം മുതിര്ന്ന നേതാവല്ല താന്. ആരെല്ലാം മത്സരിക്കണമെന്ന് തീരുമാനിക്കുന്നത് പാര്ട്ടിയാണ്. സ്ഥാനാര്ഥികളെ തീരുമാനിക്കുന്നതും പാര്ട്ടിയാണ്. ആരും സ്വയം സ്ഥാനാര്ഥിയായി പ്രഖ്യാപിക്കേണ്ട. താന് മത്സരിക്കണോ എന്ന് തീരുമാനിക്കുക ഹൈക്കമാന്ഡായിരുക്കും. ഞാനല്ല ഫേസ്ബുക്ക് പോസ്റ്റിട്ടതെന്നാണ് ഇന്നലെ സുധാകരന് എന്നോട് പറഞ്ഞത്. ഇന്ന് മാറ്റിപ്പറഞ്ഞത് എന്താണെന്ന് അറിയില്ലെന്നും സതീശന് പറഞ്ഞു.
അതേസമയം കെ സുധാകരനെ അനുകൂലിച്ച് എറണാകുളത്തിന്റെ വിവിധയിടങ്ങളില് പോസ്റ്റര് പ്രത്യക്ഷപ്പെട്ടു. പറവൂര്, ഇടപ്പള്ളി, ആലുവ പ്രദേശങ്ങളിലാണ് പോസ്റ്ററുകള് പ്രത്യക്ഷപ്പെട്ടിട്ടുണ്ട്. പ്രതിപക്ഷ നേതാവ് വി ഡി സതീശന്റെ ഓഫിസിന് മുമ്പിലും പോസ്റ്ററുകള് പതിച്ചിട്ടുണ്ട്. എന്നാല് സുധാകരനെ അനുകൂലിച്ചുള്ള പോസ്റ്ററുകളും ഫ്ളക്സുകളും സിപിഐഎമ്മുകാര് കൊണ്ടുവെക്കുന്നതായിരിക്കുമെന്ന് ചോദ്യത്തിന് മറുപടിയായി സതീശന് പറഞ്ഞു. പറവൂരിലാണോ സുധാകരന് സീറ്റ് ചോദിച്ചിരിക്കുന്നത്. അങ്ങനെയെങ്കില് ഞാന് മാറിക്കൊടുക്കാം -അദ്ദേഹം പറഞ്ഞു.
നിയമസഭാ തെരഞ്ഞെടുപ്പില് എംപിമാര് മത്സരിക്കുന്ന വിഷയത്തില് അന്തിമ തീരുമാനം ഹൈക്കമാന്ഡിന്റേതെന്ന് എഐസിസി ജനറല് സെക്രട്ടറി കെ സി വേണുഗോപാല്. കണ്ണൂരില് സ്ഥാനാര്ഥിയാകാന് താത്പര്യമുണ്ടെന്ന് അറിയിച്ച് കെ സുധാകരന്റെ പ്രതികരണം സ്വാഭാവികമാണ്. അദ്ദേഹത്തിന് പരിഭവമുണ്ടെന്ന് തോന്നുന്നില്ല. ഫെയ്സ്ബുക്ക് പോസ്റ്റില് ഉള്പ്പെടെ കെ സുധാകരന് പറഞ്ഞത് കണ്ണൂരിനോടും കോണ്ഗ്രസ് പാര്ട്ടിയോടുമുള്ള സ്നേഹത്തെ കുറിച്ചാണെന്നും കെ സി വേണുഗോപാല് മാധ്യമങ്ങളോട് പ്രതികരിച്ചു.
നിയമസഭാ തെരഞ്ഞെടുപ്പില് സ്ഥാനാര്ഥികാന് താത്പര്യം പ്രകടിപ്പിക്കുന്നത് മഹാ അപരാധമല്ലന്ന് കെ സി വേണുഗോപാല് പറഞ്ഞു.. അദ്ദേഹം കഴിഞ്ഞ ആഴ്ച മുഴുവന് ഡല്ഹിയില് പാര്ലമെന്റ് സമ്മേളനത്തില് ഉണ്ടായിരുന്നു. ഇതിന് ശേഷമാണ് കണ്ണൂരിലേക്ക് മടങ്ങിയത്. അഭിപ്രായങ്ങള് പറയുന്നത് സ്വാഭാവികമാണ്. തെരഞ്ഞെടുപ്പില് യുഡിഎഫിന്റെ വിജയമാണ് പ്രധാനം. ഇതിനായി എല്ലാവരും പ്രവര്ത്തിക്കുമെന്നും കെ സി വേണുഗോപാല് പറഞ്ഞു.
ചില എംപിമാര് മത്സരിക്കാന് താത്പര്യം പ്രകടിപ്പിച്ചിട്ടുണ്ട്. ഇക്കാര്യത്തില് പാര്ട്ടി നേതൃത്വമാണ് തീരുമാനം എടുക്കേണ്ടത്. താന് മത്സരിക്കാനില്ല, ഇക്കാര്യം നേരത്തെ തന്നെ വ്യക്തമാക്കിയിട്ടുണ്ട്. സ്ഥാനാര്ഥി നിര്ണയം സമയബന്ധിതമായി പുര്ത്തിയാക്കും. കോണ്ഗ്രസിന്റെ സ്ഥാനാര്ഥി നിര്ണയം പതിവിലും വേഗത്തില് പുരോഗമിക്കുകയാണ്. പട്ടിക സംബന്ധിച്ച ചര്ച്ചകള് അതിവേഗം നടക്കുന്നുണ്ടെന്നും കെസി വേണുഗോപാല് ചൂണ്ടിക്കാട്ടി.
