ഹരിയാന: സ്വതന്ത്രരായി മത്സരിക്കുന്ന 13 നേതാക്കളെ കോണ്‍ഗ്രസ് പുറത്താക്കി

ചണ്ഡീഗഡ്: ഹരിയാന നിയമസഭ തെരഞ്ഞെടുപ്പില്‍ സ്വതന്ത്ര സ്ഥാനാര്‍ഥികളായി മത്സരിക്കുന്ന 13 നേതാക്കളെ കോണ്‍ഗ്രസ് പുറത്താക്കി. പാർട്ടി വിരുദ്ധ പ്രവർത്തനങ്ങൾ നടത്തിയെന്ന് ചൂണ്ടിക്കാട്ടിയാണ് പുറത്താക്കല്‍. പാർട്ടിയിലെ അച്ചടക്കരാഹിത്യം തടയുന്നതിനാണ് ഇവരെ ആറ് വർഷത്തേക്ക് പുറത്താക്കിയതെന്ന് കോൺഗ്രസ് അറിയിച്ചു.

നരേഷ് ദണ്ഡേ (ഗുഹ്‌ല എസ്‌സി സീറ്റ്), പർദീപ് ഗിൽ (ജിന്ദ്), സജ്ജൻ സിംഗ് ദുൽ (പുന്ദ്രി), സുനിത ബട്ടൻ (പുന്ദ്രി), രാജീവ് മാമുറാം ഗോന്ദർ (നിലോഖേരി-എസ്‌സി), ദയാൽ സിംഗ് സിരോഹി (നിലോഖേരി-എസ്‌സി), വിജയ് ജെയിൻ (പാനിപ്പത്ത് റൂറൽ). ), ദിൽബാഗ് സാൻഡിൽ (ഉചന കലൻ), അജിത് ഫോഗട്ട് (ദാദ്രി), അഭിജീത് സിംഗ് (ഭിവാനി), സത്ബീർ റതേര (ബവാനി ഖേര-എസ്‌സി), നിതു മാൻ (പ്രിത്‌ല), അനിത ദുൽ ബദ്‌സിക്രി (കലയാത്) എന്നിവരെയാണ് സസ്പെന്‍ഡ് ചെയ്തത്.

വരാനിരിക്കുന്ന ഹരിയാന നിയമസഭാ തെരഞ്ഞെടുപ്പിൽ മത്സരിക്കാൻ ടിക്കറ്റ് നിഷേധിക്കപ്പെട്ടതിൽ അസ്വസ്ഥരായ നിരവധി പാർട്ടി നേതാക്കളുണ്ടായിരുന്നുവെങ്കിലും പിന്നീട് അവരിൽ ഭൂരിഭാഗം പേരെയും അനുനയിപ്പിക്കാന്‍ പാർട്ടിക്ക് കഴിഞ്ഞിരുന്നു. കോൺഗ്രസിന് വേണ്ടി മുതിർന്ന നേതാവും മുൻ മന്ത്രിയുമായ സമ്പത്ത് സിങ് നാൽവ സീറ്റിൽ നിന്ന് നാമനിർദേശ പത്രിക പിൻവലിച്ചിരുന്നു. മറ്റൊരു നേതാവ് രാം കിഷൻ ‘ഫൗജി’ ബവാനി ഖേര സെഗ്‌മെൻ്റിൽ നിന്നും പിന്‍മാറിയിരുന്നു. അംബാല സിറ്റിയിൽ കോൺഗ്രസ് സ്ഥാനാർഥിയും മുൻ മന്ത്രിയുമായ നിർമൽ സിങ്ങിനെതിരായ മത്സരത്തിൽ നിന്ന് മുൻ എംഎൽഎ ജസ്ബിർ മലൂറും പത്രിക പിന്‍വലിച്ചിരുന്നു. അതേസമയം, കോൺഗ്രസ് വിമതയായ നിർമൽ സിങ്ങിന്‍റെ മകൾ ചിത്ര സർവാര അംബാല കാന്ത് സീറ്റിൽ മത്സരിക്കുന്നുണ്ട്. ഇവർക്കെതിരെ പാർട്ടി നടപടി എടുത്തിട്ടുണ്ട്.