സിപിഎം വെളിപ്പെടുത്തൽ : ഐഎൻടിയുസി നേതാവ് സത്യന്റെ കൊലപാതകം പുനരന്വേഷിക്കണമെന്ന് കോണ്‍ഗ്രസ്

ആലപ്പുഴ: ഐ.എൻ.ടി.യു.സി നേതാവ് സത്യന്റെ കൊലപാതകം പുനരന്വേഷിക്കണമെന്ന് കോൺഗ്രസ്. ആലപ്പുഴ ഡി.സി.സി അധ്യക്ഷൻ ബാബു പ്രസാദ് ഡി.ജി.പിക്ക് പരാതി നൽകി. സി.പി.എം നേരിട്ട് നടത്തിയ കൊലപാതകം എന്ന വെളിപ്പെടുത്തലിന് പിന്നാലെയാണ് പുനരന്വേഷണം ആവശ്യപ്പെട്ട് കോണ്‍ഗ്രസ് രംഗത്തെത്തിയത്. മുന്‍ ജില്ലാ പഞ്ചായത്ത് വൈസ് പ്രസിഡന്റ് ബിപിന്‍ സി. ബാബുവാണ് വെളിപ്പെടുത്തല്‍ നടത്തിയത്.

സി.പി.എം സംസ്ഥാന സെക്രട്ടറിക്കയച്ച കത്തിലാണ് വിവാദ പരാമർശം. ബിപിൻ സി. ബാബുവിന്റെ വിശദമായ മൊഴിയെടുക്കണമെന്നും യഥാർഥ കുറ്റവാളികളെ നിയമത്തിന്റെ മുന്നിൽ കൊണ്ടുവരണമെന്നുമാണ് കോണ്‍ഗ്രസ് ആവശ്യപ്പെടുന്നത്. 2001ലാണ് ക​രീ​ല​ക്കു​ള​ങ്ങ​ര​യി​ൽ വെ​ച്ച് സത്യൻ കൊല്ലപ്പെട്ടത്. കേസിലെ ഏഴു പ്രതികളെയും തെളിവില്ലാത്തതിനാല്‍ കോടതി വെറുതെ വിട്ടിരുന്നു. സത്യന്‍ കൊലക്കേസില്‍ ആറാം പ്രതിയാണ് ബിപിൻ സി. ബാബു. കു​ടും​ബ​പ്ര​ശ്ന​ങ്ങ​ളെ​ത്തു​ട​ർ​ന്ന് പാ​ർ​ട്ടി​ക്കു​ള്ളി​ൽ ന​ട​പ​ടി​ക്ക് വി​ധേ​യ​നാ​യ ബി​പി​നെ തി​രി​ച്ചെ​ടു​ക്കു​ന്ന​ത് സം​ബ​ന്ധി​ച്ച അ​നി​ശ്ചി​ത​ത്വ​മാ​ണ് വെ​ളി​പ്പെ​ടു​ത്ത​ലി​ന് കാ​ര​ണ​മാ​യ​ത്.