ഓഹരി വിപണിയില് വന്ലാഭം വാഗ്ദാനം ചെയ്ത് ആലപ്പുഴയില് 73കാരൻറെ എട്ടു കോടി രൂപ തട്ടിയെടുത്തതായി പരാതി
പമ്പയിലെ ആശുപത്രിയില് തീര്ത്ഥാടയ്ക്കു ലഭിച്ച ചികിത്സയില് ഗുരുതര പിഴവെന്ന് പരാതി
January 17, 2026
നിയമസഭാ തെരഞ്ഞെടുപ്പിൽ പികെ ഫിറോസിന് സുരക്ഷിത സീറ്റ് വേണം, ടേം ഇളവ് കുഞ്ഞാലിക്കുട്ടിക്കും മുനീറിനും മാത്രം : യൂത്ത് ലീഗ്
January 17, 2026
ആലപ്പുഴ : ഓണ്ലൈന് തട്ടിപ്പിലൂടെ ഹരിപ്പാട് സ്വദേശിയായ വയോധികനില് നിന്ന് എട്ടുകോടിയില്പ്പരം രൂപ തട്ടിയെടുത്തതായി പരാതി. ഓഹരി വിപണിയില് വന്ലാഭം വാഗ്ദാനം ചെയ്തായിരുന്നു തട്ടിപ്പ്. ഹരിപ്പാട് നഗരസഭാ പരിധിയിലെ താമസക്കാരാനായ 73കാരനാണ് പണം നഷ്ടമായത്.
റിലയന്സ് കാപ്പിറ്റല് ലിമിറ്റഡിന്റെ സമാനമായ വ്യാജ കമ്പനിയുടെ പേര് ഉപയോഗിച്ച് നടത്തിയ തട്ടിപ്പില് 8,08,81,317 രൂപയാണ് നഷ്ടമായത്. സി778 റിലയന്സ് കാപ്പിറ്റല് ഇന്വസ്റ്റേഴ്സ് ഹബ് എന്ന ഓഹരി നിക്ഷേപ കമ്പനിയുടെ പ്രതിനിധിയെന്ന് വിശ്വസിപ്പിച്ചാണ് തട്ടിപ്പ് നടത്തിയത്.
2025 സെപ്റ്റംബര് 24 മുതല് ഡിസംബര് 20 വരെയുള്ള തീയതികളില് നാല് അക്കൗണ്ടുകളില് നിന്നായി 73 തവണകളായാണ് പണം തട്ടിയത്. മകന്റെ പരാതിയില് കേസെടുത്ത ആലപ്പുഴ സൈബര് ക്രൈം പൊലീസ് അന്വേഷണം ആരംഭിച്ചു.
