പാലക്കാട് സിപിഐഎം നേതാക്കൾ കോണ്‍ഗ്രസ് നേതാവായ വ്യാപാരിയെ കടയിൽ കയറി മർദിച്ചതായി പരാതി

പാലക്കാട് : പെരിങ്ങോട്ടുകുറിശ്ശിയിൽ സിപിഐഎം നേതാക്കൾ വ്യാപാരിയെ കടയിൽ കയറി മർദിച്ചു. പെരിങ്ങോട്ടുകുറിശ്ശി സിപിഐഎം ലോക്കൽ സെക്രട്ടറി സതീഷ് , കുഴൽമന്ദം ബ്ലോക്ക് പഞ്ചായത്ത് വൈസ് പ്രസിഡൻ്റ് സജിത എന്നിവരുടെ നേതൃത്വത്തിലാണ് കോൺഗ്രസ് പ്രവർത്തകനായ സുജിത്ത് ചന്ദ്രനെ മർദിച്ചത്.

സിപിഐഎം ഏരിയ സെക്രട്ടറിയും ബ്ലോക്ക് പഞ്ചായത്ത് വൈസ് പ്രസിഡൻ്റും തമ്മിൽ ബന്ധമുണ്ടെന്ന് കാണിച്ച് സിപിഐഎം സംസ്ഥാന സെക്രട്ടറിക്ക് സുജിത്ത് ചന്ദ്രൻ കത്തെഴുതി എന്ന് പറഞ്ഞാണ് മർദിച്ചത്. സിപിഐഎം സംസ്ഥാന സെക്രട്ടറിക്ക് താൻ കത്തെഴുതിയിട്ടില്ലെന്നും സിപിഐഎം നേതാക്കളായതിനാൽ പ്രതികൾക്കെതിരെ കോട്ടായി പൊലീസ് നിസാര വകുപ്പുകൾ ചുമത്തിയാണ് കേസ് എടുത്തതെന്നും സുജിത്ത് ചന്ദ്രൻ പറഞ്ഞു.