കെജ്രിവാളിന്റെ അറസ്റ്റിൽ പ്രതികരണം: യുഎസ് നയതന്ത്രജ്ഞയെ കേന്ദ്രം വിളിച്ചുവരുത്തി

ന്യൂഡൽഹി: ഡ‍ൽഹി മുഖ്യമന്ത്രി  അരവിന്ദ് കെജ്രിവാളിന്റെ അറസ്റ്റിൽ അമേരിക്ക നടത്തിയ പരാമർശത്തിൽ അതൃപ്തി രേഖപ്പെടുത്തി കേന്ദ്രസർക്കാർ. യുഎസ് ആക്ടിങ് ഡപ്യൂട്ടി ചീഫ് ഓഫ് മിഷൻ ഗ്ലോറിയ ബെർബേനയെ വിളിച്ചുവരുത്തി വിദേശകാര്യമന്ത്രാലയ പ്രതിനിധികൾ ചർച്ച നടത്തി. ഡൽഹി സൗത്ത് ബ്ലോക്കിലുള്ള വിദേശകാര്യ മന്ത്രാലയത്തിന്റെ ഓഫിസിലേക്കാണ് ഇവരെ വിളിച്ചുവരുത്തിയത്. 40 മിനിറ്റ് കൂടിക്കാഴ്ച നടത്തിയതായാണ് റിപോർട്ട്.  കൂടിക്കാഴ്ചയുടെ വിശദാംശങ്ങൾ പുറത്തുവിട്ടിട്ടില്ല. 

അ​ര​വി​ന്ദ് കെജ്രിവാ​ളി​ന്‍റ അ​റ​സ്റ്റു​മാ​യി ബ​ന്ധ​പ്പെ​ട്ട് അ​മേ​രി​ക്ക ന​ട​ത്തി​യ പ്ര​സ്ഥാ​വ​ന ശ​രി​യ​ല്ലെ​ന്നും ഇ​ന്ത്യ വ്യ​ക്ത​മാ​ക്കി.ഇ​ന്ത്യ​യി​ലെ നി​യ​മ​ന​ട​പ​ടി നി​രീ​ക്ഷി​ക്കു​ന്ന​ത് സ്വ​ത​ന്ത്ര ജു​ഡീ​ഷ്യ​റി​യാ​ണെ​ന്ന് വി​ദേ​ശ​കാ​ര്യ മ​ന്ത്രാ​ല​യം അ​റി​യി​ച്ചു. കെജ്രിവാളിന്റെ അറസ്റ്റ് ബന്ധപ്പെട്ട വാർത്തകൾ നിരീക്ഷിക്കുന്നതായും നീതിയുക്തമായ നിയമനടപടികളാണ് ഇന്ത്യൻ സർക്കാരിന്റെ ഭാഗത്ത് നിന്നും പ്രതീക്ഷിക്കുന്നതെന്നുമായിരുന്നു അമേരിക്കൻ സ്റ്റേറ്റ് ഡിപ്പാർട്ട്‌മെന്റിന്റെ വക്താവ് പ്രതികരിച്ചത്.കെജ്രിവാളിന്റെ അറസ്റ്റ് വിഷയത്തിൽ നേരത്തെ ജർമനിയും പ്രതികരിച്ചിരുന്നു. ഇതിൽ പ്രതിഷേധവുമായി രംഗത്തെത്തിയ വിദേശകാര്യ മന്ത്രാലയം, ജർമനിയുടെ ഡപ്യൂട്ടി ചീഫ് ഓഫ് മിഷനെ വിളിച്ചുവരുത്തി ഇക്കാര്യം അറിയിച്ചിരുന്നു. ഡൽഹി മദ്യനയ കേസിലെ ക്രമക്കേടുകൾ ചൂണ്ടിക്കാട്ടിയാണ് എൻഫോഴ്‌സ്‌മെന്റ് ഡയറക്ടറേറ്റ് കഴിഞ്ഞ വ്യാഴാഴ്ച അരവിന്ദ് കെജ്രിവാളിനെ അറസ്റ്റ് ചെയ്തത്.