ആരെയും തോൽപ്പിക്കാനല്ല, കേരളത്തിന് അർഹതപ്പെട്ടത്‌ നേടിയെടുക്കാനാണ് നാളത്തെ സമരം : മുഖ്യമന്ത്രി

ന്യൂഡൽഹി: നാളെ ഡൽഹിയിൽ കേന്ദ്രത്തിനെതിരെ സംസ്ഥാന സർക്കാർ നടത്തുന്നത് സവിശേഷമായ സമരമെന്ന് മുഖ്യമന്ത്രി പിണറായി വിജയൻ. മന്ത്രിമാർ, എം.പിമാർ, എം.എൽ.എമാർ എന്നിവർ സമരത്തിന്റെ ഭാഗമാകും. സംസ്ഥാനത്തിന്റെ മുന്നോട്ടുപോക്കിന് അനിവാര്യമായതുകൊണ്ടാണ് ഈ സമരം തെരഞ്ഞെടുക്കേണ്ടിവന്നത്. ഒരാളെയും തോൽപ്പിക്കാൻ ലക്ഷ്യമിട്ടല്ല, സംസ്ഥാനത്തിന് അർഹതപ്പെട്ടത് നേടിയെടുക്കുക എന്നത് മാത്രമാണ് ലക്ഷ്യമെന്നും മുഖ്യമന്ത്രി ഡൽഹിയിൽ വാർത്താസമ്മേളനത്തിൽ പറഞ്ഞു.

രാജ്യമാകെ കേരളത്തിനൊപ്പം നിൽക്കുമെന്നാണ് പ്രതീക്ഷ. സമരത്തിന് കക്ഷി രാഷ്ട്രീയ നിറം കാണേണ്ടതില്ല. കേന്ദ്രസർക്കാർ ഫെഡറൽ സംവിധാനത്തെ തകർക്കുന്ന സമീപനമാണ് സ്വീകരിക്കുന്നത്. എൻ.ഡി.എ ഭരിക്കുന്ന സംസ്ഥാനങ്ങൾക്ക് ലാളനയും ഭരണമില്ലാത്ത സംസ്ഥാനങ്ങൾക്ക് പീഡനവുമാണ് കേന്ദ്രത്തിന്റെ നയമെന്നും മുഖ്യമന്ത്രി കുറ്റപ്പെടുത്തി. 7000 കോടിയാണ് ഈ വർഷം കേരളത്തിന്റെ കടമെടുപ്പ് പരിധിയിൽ വെട്ടിക്കുറച്ചത്. ഏത് വിധേനയും കേരളത്തെ ബുദ്ധിമുട്ടിക്കുന്ന നിർബന്ധ ബുദ്ധിയാണ് ഇതിലൂടെ കാണാൻ കഴിയുന്നത്. ഇല്ലാത്ത അധികാരമാണ് കേന്ദ്രം ഉപയോഗിക്കുന്നത്.

ജ​ന​ങ്ങ​ൾ​ക്ക് ന​ൽ​കു​ന്ന വീ​ടു​ക​ൾ ആ​രു​ടെ​യും ഔ​ദാ​ര്യ​മ​ല്ല. ലൈ​ഫ് പ​ദ്ധ​തി​ക്കാ​യി സം​സ്ഥാ​നം 17,104 കോ​ടി രൂ​പ​യാ​ണ് ചെ​ല​വാ​ക്കി​യ​ത്. ഈ ​തു​ക​യു​ടെ 12 ശ​ത​മാ​നം മാ​ത്ര​മാ​ണ് കേ​ന്ദ്രം ന​ൽ​കി​യ​ത്. ലൈ​ഫ് വീ​ടു​ക​ൾ കേ​ന്ദ്ര​ത്തി​ന്‍റേ​താ​യി ബ്രാ​ൻ​ന്‍റ് ചെ​യ്യാ​ൻ കേ​ര​ള​ത്തി​ന് ഉ​ദ്ദേ​ശ​മി​ല്ല. ജി​എ​സ്ടി ന​ട​പ്പാ​ക്കി​യ​തോ​ടെ സം​സ്ഥാ​ന​ത്തി​ന് അ​വ​കാ​ശ​പ്പെ​ട്ട നി​കു​തി ന​ഷ്ട​മാ​യി. റ​വ​ന്യു ക​മ്മി ഗ്രാ​ന്‍റ് വെ​ട്ടി​ക്കു​റ​ച്ച​ത് സം​സ്ഥാ​ന​ത്തി​ന് തി​രി​ച്ച​ടി ആ​യി എ​ന്ന് അ​ദ്ദേ​ഹം വ്യ​ക്ത​മാ​ക്കി.

ഗ​വ​ർ​ണ​ർ​മാ​ർ പ്ര​വ​ർ​ത്തി​ക്കേ​ണ്ട​ത് എ​ങ്ങ​നെ​യാ​ണ് എ​ന്ന​തി​ന് വി​പ​രീത​മാ​ണ് ഇ​പ്പോ​ൽ കാ​ണു​ന്ന​ത്. സാ​മ്രാ​ജ്യ​ത്വ കാ​ല​ത്തെ റ​സി​ഡ​ന്‍റു​മാ​രെ പോ​ലെ​യാ​ണ് ഗ​വ​ർ​ണ​ർ​മാ​ർ പെ​രു​മാ​റു​ന്ന​ത്. ബി​ല്ലു​ക​ളി​ൽ ഒ​പ്പി​ടാ​തെ ഗ​വ​ർ​ണ​ർ വ​ഴി​യി​ൽ ഇ​രി​ക്കു​ന്ന​താ​ണ് കാ​ണു​ന്ന​ത്. സം​സ്ഥാ​ന നി​യ​മ​സ​ഭ​ക​ളെ നോ​ക്കു​കു​ത്തി​ക​ളാ​ക്കു​ന്ന നി​ല​പാ​ടാ​ണ് കേ​ന്ദ്രം സ്വീ​ക​രി​ക്കു​ന്ന​ത് എ​ന്നും മു​ഖ്യ​മ​ന്ത്രി പ​റ​ഞ്ഞു. പൗരൻമാരുടെ അടിസ്ഥാന സൗകര്യവികസനം നടപ്പാക്കാനാണ് സംസ്ഥാന സർക്കാർ കിഫ്ബിയെ ശാക്തീകരിക്കുന്നത്. കിഫ്ബി ലാഭകരമല്ലാത്ത നിക്ഷേപങ്ങൾ നടത്തുന്നുവെന്നാണ് കേന്ദ്രത്തിന്റെ ആരോപണം. കൊച്ചി വാട്ടർ മെട്രോ, കെ ഫോൺ എന്നിവയിലെല്ലാം കിഫ്ബി നിക്ഷേപമുണ്ട്. ദീർഘകാല ലക്ഷ്യംവച്ച് പ്രവർത്തിക്കുന്ന കിഫ്ബിക്ക് എതിരെ വ്യാജപ്രചാരണങ്ങളാണ് നടക്കുന്നതെന്നും മുഖ്യമന്ത്രി പറഞ്ഞു.