സിക്കിമിലെ തീസ്ത നദിയില്‍ മിന്നല്‍ പ്രളയം, 23 സൈനികരെ കാണാതായി
കേരളത്തെ ഞെട്ടിച്ച ആലുവയിലെ അഞ്ച് വയസുകാരിയുടെ കൊലപാതകക്കേസിൽ ഇന്ന് വിചാരണ തുടങ്ങും
October 4, 2023
സതീഷിന് കുഴല്‍പ്പണ സംഘങ്ങളുമായി ബന്ധം, കരുവന്നൂര്‍ സഹകരണ ബാങ്കിലെ കള്ളപ്പണ ഇടപാടിലെ കൂടുതല്‍ വിവരങ്ങള്‍ പുറത്തുവിട്ട് ഇഡി
October 4, 2023
ഗാങ്‌ടോക്ക്: സിക്കിമില്‍ മേഘ വിസ്‌ഫോടനം. തീസ്ത നദിയില്‍ ഉണ്ടായ മിന്നല്‍ പ്രളയത്തെ തുടര്‍ന്ന് 23 സൈനികരെ കാണാതായെന്ന് റിപ്പോര്‍ട്ട്. പ്രളയത്തില്‍ ഒഴുകിപ്പോയെന്ന സംശയത്തില്‍ തിരച്ചില്‍ ആരംഭിച്ചിട്ടുണ്ട്. പ്രളയത്തില്‍ താഴ്ന്ന പ്രദേശങ്ങള്‍ വെള്ളത്തിന്റെ അടിയിലായിട്ടുണ്ട്.
വടക്കന്‍ സിക്കിമിലെ ലൊനക് തടാകത്തിന് മുകളിലാണ് മേഘ വിസ്‌ഫോടനം സംഭവിച്ചത്. തടാകം കരകവിഞ്ഞ് ഒഴുകിയെത്തിയ വെള്ളമാണ് തീസ്ത നദിയില്‍ മിന്നല്‍ പ്രളയത്തിന് കാരണമായത്. മിന്നല്‍ പ്രളയത്തില്‍ സൈനിക ക്യാമ്പുകളെയും മറ്റും കാര്യമായി ബാധിച്ചതായും റിപ്പോര്‍ട്ടുകളുണ്ട്. മിന്നല്‍ പ്രളയത്തില്‍ കാണാതായ ലാചെന്‍ താഴ്വരയിലെ 23 സൈനികര്‍ക്ക് വേണ്ടിയുള്ള തിരച്ചില്‍ ആരംഭിച്ചിട്ടുണ്ട്. സൈനിക വാഹനങ്ങളും വെള്ളത്തില്‍ ഒഴുകിപ്പോയതായും റിപ്പോര്‍ട്ടുകളുണ്ട്. സൈനികര്‍ക്കായുള്ള തിരച്ചില്‍ ആരംഭിച്ചതായി സൈന്യം അറിയിച്ചു.
ആര്‍മി ക്യാന്പുകളും പൂര്‍ണമായി മുങ്ങി. വാഹനങ്ങൾ ഒലിച്ചുപോയി. വെള്ളപ്പൊക്കം ഉണ്ടായപ്പോള്‍ സിംഗ്താമിന് സമീപമുള്ള ബര്‍ദാംഗിലാണ് സൈനിക വാഹനങ്ങള്‍ പാര്‍ക്ക് ചെയ്തിരുന്നത്. ചുംഗ്താംഗ് അണക്കെട്ടില്‍ നിന്ന് വെള്ളം തുറന്നുവിട്ടതും ജലനിരപ്പുയരാന്‍ കാരണമായി. കഴിഞ്ഞദിവസങ്ങളില്‍ ഈ പ്രദേശത്ത് മഴയുണ്ടായിരുന്നു.
