വടകരയില് ഷാഫി പറമ്പില് എംപിയും ഡിവൈഎഫ്ഐ പ്രവര്ത്തകരും തമ്മില് വാക്കേറ്റം, തെറിവിളി
ലൈംഗികപവാദ കേസില്പ്പെട്ട സഹപ്രവര്ത്തകരെയും നേതാക്കന്മാരെയും സംരക്ഷികുന്നത്ത് മുഖ്യമന്ത്രി : വിഡി സതീശന്
August 27, 2025
വിവാദങ്ങള്ക്കിടെ പതിനഞ്ചാം കേരള നിയമസഭയുടെ പതിനാലാം സമ്മേളനം സെപ്തംബര് 15 മുതല്
August 27, 2025
കോഴിക്കോട് : വടകരയില് ഷാഫി പറമ്പില് എംപിയും ഡിവൈഎഫ്ഐ പ്രവര്ത്തകരും തമ്മില് വാക്കേറ്റം. രാഹുല് മാങ്കൂട്ടത്തില് എംഎല്എയ്ക്ക് സംരക്ഷണം നല്കുന്നുവെന്ന് ആരോപിച്ചായിരുന്നു വടകരയില് ഷാഫി പറമ്പില് എംപിയുടെ വാഹനം തടഞ്ഞ് ഡിവൈഎഫ്ഐ പ്രവര്ത്തകര് പ്രതിഷേധിച്ചത്. പ്രതിഷേധക്കാരെ പൊലീസ് നീക്കാന് ശ്രമിക്കുന്നതിനിടെ എം പി വാഹനത്തില് നിന്നിറങ്ങിയതോടെയാണ് നാടകീയ സംഭവങ്ങള് അരങ്ങേറിയത്.
പ്രതിഷേധക്കാരും ഷാഫി പറമ്പില് എംപിയും തമ്മില് പരസ്പരം വാക്കേറ്റം ഉണ്ടായതോടെ രംഗം ശാന്തമാക്കാന് പൊലീസും പണിപ്പെട്ട്. പേടിപ്പിക്കാന് ശ്രമിക്കേണ്ടെന്നും വടകര അങ്ങാടിയില്നിന്ന് പേടിച്ച് പോകാന് തീരുമാനിച്ചിട്ടില്ലെന്ന് പറഞ്ഞായിരുന്നു ഷാഫി കാറില് നിന്നിറങ്ങിയത്. ഡിവൈഎഫ്ഐ പ്രവര്ത്തകര് അസഭ്യംവിളിച്ചെന്നും ഷാഫി പറമ്പില് ആരോപിച്ചു.
‘പ്രതിഷേധിച്ചോ, തെറിവിളിക്കരുത്. നായെ, പട്ടീ എന്ന് വിളിച്ചാല് കേട്ടിട്ട് പോകില്ല. സമരത്തിന്റെ പേരില് ആഭാസത്തരം കാണിച്ചാല് വകവെയ്ക്കില്ല’ എന്നും ഷാഫി പറമ്പില് പറഞ്ഞു. വടകര ടൗണ്ഹാളിലെ ന്ന പരിപാടി കഴിഞ്ഞ് വരുമ്പോഴായിരുന്നു ഷാഫി പറമ്പിലിനുനേരെ ഡിവൈഎഫ്ഐയുടെ പ്രതിഷേധം ഉണ്ടായത്. കൊടിയും ബാനറും ഉള്പ്പെടെ ഉയര്ത്തിയ പ്രവര്ത്തകര് വാഹനം തടയുകയായിരുന്നു.
