മാഞ്ചസ്റ്റര്‍ ഡെര്‍ബിയില്‍ സിറ്റിക്ക് തകര്‍പ്പന്‍ ജയം
കർഷക പ്രക്ഷോഭം: മാർച്ച് 10ന്‌ രാജ്യവ്യാപക ‘ട്രെയിൻതടയൽ’ പ്രഖ്യാപിച്ച് കർഷക സംഘടനകൾ
March 4, 2024
ലോക ടെസ്റ്റ് ചാമ്പ്യന്‍ഷിപ്പ്; ഇന്ത്യ ഒന്നാമത്
March 4, 2024
മാഞ്ചസ്റ്റര്‍: ഫില്‍ ഫോഡന്റെയും എര്‍ലിംഗ് ഹാളണ്ടിന്റെയും ഗോളുകളുടെ കരുത്തില്‍ മാഞ്ചസ്റ്റര്‍ ഡെര്‍ബിയില്‍ സിറ്റിക്ക് ജയം. യുണൈറ്റഡിനെ ഒന്നിനെതിരെ മൂന്ന് ഗോളുകള്‍ക്കാണ് തോല്‍പ്പിച്ചത്. ആദ്യപകുതിയില്‍ ഒരു ഗോളിന് പിന്നിട്ട് നിന്ന ശേഷമായിരുന്നു സിറ്റി മുന്ന് ഗോളും നേടിയത്.
എട്ടാം മിനുട്ടില്‍ മാര്‍കസ് റാഷ്‌ഫോര്‍ഡ് നേടിയ ഗോളാണ് യുണൈറ്റഡിനെ മുന്നിലെത്തിച്ചത്. യുണൈറ്റഡിന് മത്സരത്തില്‍ ഓര്‍ക്കാനുള്ള ഏക നിമിഷവും ഇതായിരുന്നു. പിന്നീട് മത്സരത്തിന്റെ നിയന്ത്രണം സിറ്റി ഏറ്റെടുക്കുകയായിരുന്നു.
രണ്ടാം പകുതിയുടെ 56ാം മിനുട്ടിലും 80ാം മിനുട്ടിലുമായിരുന്നു ഫില്‍ ഫോഡന്റെ ഗോളുകള്‍. ഇഞ്ചുറി ടൈമിലാണ് ഹാളണ്ടിന്റെ ഗോള്‍. ഇതോടെ പ്രീമിയര്‍ ലീഗില്‍ ഒന്നാം സ്ഥാനത്തുള്ള ലിവര്‍പൂളുമായിട്ടുള്ള പോയിന്റ് വ്യത്യാസം ഒന്നാക്കി കുറക്കാനും സിറ്റിക്കായി. പ്രീമിയര്‍ ലീഗിലെ 18ാം ഗോളാണ് ഹാളണ്ട് ഇന്നലെ നേടിയത്.
