ഒരു കലണ്ടർ വർഷം ഒരു കോടി യാത്രക്കാർ… ചരിത്ര നേട്ടം കുറിച്ച് കൊച്ചി അന്താരാഷ്ട്ര വിമാനത്താവളം

കൊച്ചി: ഒരു കലണ്ടർ വർഷം , ഒരു കോടി യാത്രക്കാർ എന്ന നേട്ടം സ്വന്തമാക്കി കൊച്ചി അന്താരാഷ്ട്ര വിമാനത്താവളം. ഇന്നലെ വൈകിട്ട് ബാംഗ്ലൂരിലേക്കുള്ള ഇന്‍ഡിഗോ വിമാനത്തില്‍ 173 പേർ യാത്ര ചെയ്തതോടെയാണ് ചരിത്രനേട്ടം സിയാൽ സ്വന്തമാക്കിയത്.

ഇന്‍ഡിഗോ വിമാനത്തിലെ യാത്രക്കാരിയായ അഞ്ചു വയസുകാരി ലയ റിനോഷാണ് സിയാലിലെ ഈ വര്‍ഷത്തെ ഒരു കോടി യാത്രക്കാരിയായത്.  ലയ റിനോഷിന്  സിയാല്‍ മാനേജിങ് ഡയറക്ടര്‍ എസ്.സുഹാസ് ഐ.എ.എസ് ലയക്ക് പ്രത്യേക ഉപഹാരം നല്‍കി. വർഷം അവസാനിക്കാൻ 11 ദിവസം ബാക്കി നിൽക്കെയാണ് ഒരു കോടി യാത്രക്കാരെന്ന ചരിത്രനേട്ടം സിയാൽ സ്വന്തമാക്കിയത്. 

ദക്ഷിണേന്ത്യയില്‍ പ്രതിവര്‍ഷം ഒരു കോടി യാത്രക്കാര്‍ ഉപയോഗിക്കുന്ന നാലാമത്തെ വിമാനത്താവളമെന്ന നേട്ടവും സിയാല്‍ സ്വന്തമാക്കി.സംസ്ഥാനത്തെ മൊത്തം വിമാന യാത്രക്കാരിൽ 63 ശതമാനവും സിയാലിലൂടെയാണ് യാത്ര ചെയ്യുന്നത്.കഴിഞ്ഞ വർഷത്തെക്കാൾ 20 ലക്ഷം പേരാണ് ഈ വർഷം സിയാലിലൂടെ യാത്ര ചെയ്തത്.