ബ്രിജ്‌ഭൂഷനെതിരായ കുറ്റപത്രത്തിൽ എൺപതോളം സാക്ഷിമൊഴികളും കോൾവിവരങ്ങളും അതിക്രമങ്ങളുടെ വീഡിയോ ദൃശ്യങ്ങളും

ന്യൂഡൽഹി : ബിജെപി എംപിയും ഗുസ്‌തി ഫെഡറേഷൻ പ്രസിഡന്റുമായ ബ്രിജ്‌ഭൂഷൺ നടത്തിയ അതിക്രമങ്ങളുടെ വീഡിയോ ദൃശ്യങ്ങളും ചിത്രങ്ങളും ഡൽഹി പൊലീസ്‌ റൗസ്‌അവന്യൂ കോടതിയിൽ സമർപ്പിച്ച കുറ്റപത്രത്തിൽ . എൺപതോളം സാക്ഷിമൊഴികളും കോൾവിവരങ്ങളും കുറ്റപത്രത്തിലുണ്ട്‌. ഉന്നത പൊലീസ്‌ ഉദ്യോഗസ്ഥനെ ഉദ്ധരിച്ച്‌ ദേശീയ മാധ്യമമാണ്‌ ഇക്കാര്യം റിപ്പോർട്ടുചെയ്‌തത്‌.

ബ്രിജ്‌ഭൂഷൺ ഗുസ്‌തി താരങ്ങൾക്കുനേരെ ലൈംഗികാതിക്രമം നടത്തിയത്‌ 22 പേർ സ്ഥിരീകരിച്ചു. ഇവരിൽ ഗുസ്‌തി താരങ്ങൾ, അന്താരാഷ്‌ട്ര റഫറിമാർ, ഫിസിയോമാർ, കോച്ചുമാർ തുടങ്ങിയവരാണുള്ളത്‌.പ്രായപൂർത്തിയായ ആറ്‌ താരങ്ങളുടെ പരാതികളിൽ നാലുപേരുടെ പരാതിക്കൊപ്പമാണ്‌ വീഡിയോ തെളിവുള്ളത്‌.  കുറ്റപത്രത്തിൽ കഴിഞ്ഞ ഒരു വർഷത്തെ കോൾ വിവരങ്ങൾ മാത്രമാണ്‌ ഉൾപ്പെടുത്തിയിട്ടുള്ളത്‌. മുൻവർഷങ്ങളിലേത്‌ ലഭ്യമല്ലെന്നാണ്‌ പൊലീസ്‌ ഭാഷ്യം.വിവിധ ടൂർണമെന്റുകൾ, ഫോട്ടോസെഷനുകൾ, ഓഫീസ്‌ തുടങ്ങിയ ഇടങ്ങളിൽവച്ച്‌ ബ്രിജ്‌ഭൂഷൺ ലൈംഗികാതിക്രമം നടത്തിയെന്ന്‌ താരങ്ങൾ രഹസ്യമൊഴി നൽകിയിരുന്നു. ഇത്‌ ശരിവയ്‌ക്കുന്ന ദൃശ്യങ്ങളും ചിത്രങ്ങളുമാണ്‌ കുറ്റപത്രത്തിലുമുള്ളത്‌. പൊലീസ്‌ ആവശ്യപ്പെട്ടപ്രകാരമാണ്‌ ജൂൺ ആറിന്‌ നാല്‌ താരങ്ങൾ ഈ തെളിവുകൾ കൈമാറിയത്‌.

അതിനിടെ സ​മ​രം ചെ​യ്ത താ​ര​ങ്ങ​ൾ​ക്കു പ​രി​ശീ​ല​ന​ത്തി​നു വേ​ണ്ട​ത്ര സ​മ​യം ല​ഭി​ക്കാ​ത്ത​തി​നാ​ൽ ഏ​ഷ്യ​ൻ ഗെ​യിം​സി​ലേ​ക്കു​ള്ള യോ​ഗ്യ​താ​മ​ത്സ​ര​ങ്ങ​ൾ നീ​ട്ടി​വ​യ്ക്ക​ണ​മെ​ന്നാ​വ​ശ്യ​പ്പെ​ട്ട് ഇ​ന്ത്യ​ൻ ഒ​ളി​ന്പി​ക്സ് അ​സോ​സി​യേ​ഷ​ൻ സം​ഘാ​ട​ക​ർ​ക്ക് ക​ത്ത​യ​ച്ചു. താ​ര​ങ്ങ​ൾ വീ​ണ്ടും സ​മ​രം പ്ര​ഖ്യാ​പി​ച്ചേ​ക്കു​മെ​ന്ന അ​ഭ്യൂ​ഹ​ങ്ങ​ൾ​ക്കി​ടെ​യാ​ണു ന​ട​പ​ടി.ഒ​ളി​ന്പി​ക് കൗ​ണ്‍​സി​ൽ ഓ​ഫ് ഏ​ഷ്യ​ക്കാ​ണ് ഇ​ന്ത്യ​ൻ ഒ​ളി​ന്പി​ക്സ് അ​സോ​സി​യേ​ഷ​ൻ ക​ത്ത​യ​ച്ചി​രി​ക്കു​ന്ന​ത്. ഈ ​മാ​സം ന​ട​ത്താ​നി​രു​ന്ന ഏ​ഷ്യ​ൻ ഗെ​യിം​സി​നും ലോ​ക ചാ​ന്പ്യ​ൻ​ഷി​പ്പി​നും മു​ന്നോ​ടി​യാ​യു​ള്ള ഗു​സ്തി യോ​ഗ്യ​താ​മ​ത്സ​ര​ങ്ങ​ൾ ഓ​ഗ​സ്റ്റി​ലേ​ക്കു മാ​റ്റ​ണ​മെ​ന്നാ​ണ് അ​ഭ്യ​ർ​ത്ഥ​ന. അ​ടു​ത്ത വ​ർ​ഷം ന​ട​ക്കാ​നി​രി​ക്കു​ന്ന പാ​രീ​സ് ഒ​ളി​ന്പി​ക്സി​ന്‍റെ മു​ന്നൊ​രു​ക്കം കൂ​ടി​യാ​ണി​ത്.സ​മ​രം ചെ​യ്ത ആ​റു താ​ര​ങ്ങ​ൾ​ക്ക് പ​രി​ശീ​ല​ന​ത്തി​നു വേ​ണ്ട​ത്ര സ​മ​യം ല​ഭി​ക്കാ​ത്ത​തി​നാ​ൽ പ്ര​ത്യേ​ക​മാ​യി അ​ഭ്യ​ർ​ത്ഥ​ന പ​രി​ഗ​ണി​ക്ക​ണ​മെ​ന്നാ​ണാ​വ​ശ്യം. ഏ​ഷ്യാ​ഡ് ട്ര​യ​ൽ​സ് ന​ട​ത്തു​ന്ന​ത് നീ​ട്ടി​വ​യ്ക്ക​ണ​മെ​ന്നു നേ​ര​ത്തെ കേ​ന്ദ്ര​മ​ന്ത്രി​യു​മാ​യി ന​ട​ത്തി​യ ച​ർ​ച്ച​യി​ലും താ​ര​ങ്ങ​ൾ ആ​വ​ശ്യ​പ്പെ​ട്ടി​രു​ന്നു.