വ​രി​ക്കാ​ശേ​രി മ​ന​യി​ലെ ലൊ​ക്കേ​ഷ​ന​ല്ല , ച​ല​ച്ചി​ത്ര മേ​ള​യു​ടെ വേ​ദി​യാണിത്‌ : രഞ്ജിത്തിനെതിരെ ച​ല​ച്ചി​ത്ര അ​ക്കാ​ദ​മി ജ​ന​റ​ൽ കൗ​ൺ​സി​ൽ

തി​രു​വ​ന​ന്ത​പു​രം: ച​ല​ച്ചി​ത്ര​മേ​ള​യു​ടെ ചെ​യ​ർ​മാ​നും സം​വി​ധാ​യ​ക​നു​മാ​യ ര​ഞ്ജി​ത്ത് ഏ​കാ​ധി​പ​തി​യെ​പോ​ലെ​യാ​ണ് പെ​രു​മാ​റു​ന്ന​തെ​ന്നും അ​ക്കാ​ദ​മി​യെ അ​വ​ഹേ​ളി​ക്കു​ന്ന മാ​ട​ന്പി പ്ര​വ​ർ​ത്ത​ന​മാ​ണ് ര​ഞ്ജി​ത്ത് ന​ട​ത്തു​ന്ന​തെ​ന്നും ച​ല​ച്ചി​ത്ര അ​ക്കാ​ദ​മി ജ​ന​റ​ൽ കൗ​ൺ​സി​ൽ അം​ഗം മ​നോ​ജ് കാ​ന.അ​ഭി​പ്രാ​യ​പ്ര​ക​ട​ന​ങ്ങ​ൾ തി​രു​ത്ത​ണ​മെ​ന്ന് സൗ​ഹാ​ർ​ദ​പ​ര​മാ​യ രീ​തി​യി​ൽ അ​ദ്ദേ​ഹ​ത്തി​നോ​ട് പ​റ​ഞ്ഞു​കൊ​ടു​ത്ത​താ​ണെ​ന്നും എ​ന്നാ​ൽ അ​തൊ​ന്നും കേ​ൾ​ക്കാ​ൻ അ​യാ​ൾ ത​യ്യാ​റാ​കു​ന്നി​ല്ലെ​ന്നും കൗ​ൺ​സി​ൽ അം​ഗ​ങ്ങ​ൾ പ​റ​യു​ന്നു.

ഒ​ന്നു​കി​ൽ ര​ഞ്ജി​ത്തി​നെ തി​രു​ത്ത​ണ​മെ​ന്നും അ​ല്ലെ​ങ്കി​ൽ പു​റ​ത്താ​ക്ക​ണ​മെ​ന്നും സാം​സ്കാ​രി​ക മ​ന്ത്രി​ക്ക് ക​ത്ത് ന​ൽ​കി​യ​താ​യും അ​വ​ർ പ​റ​ഞ്ഞു.ചെ‌​യ​ർ​മാ​നോ​ട് യാ​തൊ​രു​വി​ധ വി​ധേ​യ​ത്വ​വും ആ​ർ​ക്കു​മി​ല്ല. അ​ക്കാ​ദ​മി​യെ അ​വ​ഹേ​ളി​ക്കു​ന്ന സ​മീ​പ​ന​മാ​ണ് ര​ഞ്ജി​ത്ത് ന​ട​ത്തു​ന്ന​ത്. മു​ണ്ടി​ന്‍റെ കോ​ന്ത​ല​യും പി​ടി​ച്ച് ആ​റാം​ത​മ്പു​രാ​നെ പോ​ലെ ന​ട​ന്ന് മേ​ള​യെ​ല്ലാം താ​ൻ ചെ​യ്ത​തെ​ന്ന ഭാ​വ​മാ​ണ് ര​ഞ്ജി​ത്തി​നു​ള്ള​ത്.

വ​രി​ക്കാ​ശേ​രി മ​ന​യി​ലെ ലൊ​ക്കേ​ഷ​ന​ല്ല ഇ​തെ​ന്നും ച​ല​ച്ചി​ത്ര മേ​ള​യു​ടെ വേ​ദി​യാ​ണി​തെ​ന്നും ര​ഞ്ജി​ത്ത് മ​ന​സി​ലാ​ക്ക​ണ​മെ​ന്നും മ​നോ​ജ് കാ​ന പ​റ​യു​ന്നു. സ​മാ​ന്ത​ര​മാ​യി യോ​ഗം ചേ​ർ​ന്ന​ത് ഇ​ത്ത​രം കാ​ര്യ​ങ്ങ​ൾ സ​ർ​ക്കാ​രി​നെ അ​റി​യി​ക്കു​ന്ന​തി​ന് വേ​ണ്ടി​യാ​യി​രു​ന്നു​വെ​ന്നും ആ​രെ​ങ്കി​ലും ഒ​രാ​ൾ തീ​രു​മാ​നി​ക്കു​ന്ന​ത് പോ​ലെ​യ​ല്ല അ​ക്കാ​ദ​മി​യി​ലെ കാ​ര്യ​ങ്ങ​ൾ ന​ട​ക്കു​ന്ന​തെ​ന്നും ആ​ർ​ക്കും എ​തി​ര​ല്ല ത​ങ്ങ​ളെ​ന്നും ജ​ന​റ​ൽ കൗ​ൺ​സി​ൽ അം​ഗ​ങ്ങ​ൾ പ​റ​ഞ്ഞു.