ഐഎസ്ആർഒ ചാരക്കേസ് കെട്ടിച്ചമച്ചത് , പിന്നിൽ സ്മാർട്ട് വിജയനെന്ന് സിബിഐ
വടക്കൻ തീരത്ത് ന്യൂനമർദപാത്തി; സംസ്ഥാനത്ത് അഞ്ചുദിവസം വ്യാപകമഴ
July 10, 2024
സുനീറിന് പകരം രാജ്യസഭയിലേക്ക് മുതിര്‍ന്ന നേതാവിനെ അയക്കണമായിരുന്നുവെന്ന് സുനില്‍കുമാര്‍; പരിഹസിച്ച് എഐവൈഎഫ് പ്രസിഡന്റ്
July 11, 2024
തിരുവനന്തപുരം: ഐഎസ്ആർഒ ചാരക്കേസ് കെട്ടിച്ചമച്ചതെന്ന് സിബിഐ. സിഐ ആയിരുന്ന എസ്. വിജയനാണ് കെട്ടിച്ചമച്ചതെന്ന് സിബിഐ പറയുന്നു.മറിയം റഷീദയെ അന്യായ തടങ്കലിൽ വയ്ക്കുകയും ഐബിയെ ചോദ്യം ചെയ്യാൻ അനുവദിക്കുകയും ചെയ്തു. മറിയം റഷീദക്കെതിരെ വഞ്ചിയൂർ സ്റ്റേഷനിൽ തെളിവുകളില്ലാതെ കേസെടുപ്പിച്ചു. കുറ്റസമ്മതം നടത്താനായി മറിയം റഷീദയെ കസ്റ്റഡിയിൽ വച്ച് പീഡിപ്പിച്ചു.
എസ്ഐടി കസ്റ്റഡിയിലുള്ളപ്പോള്‍ പോലും ഐബി ഉദ്യോഗസ്ഥർ നിയമവിരുദ്ധമായി ചോദ്യം ചെയ്തു. വ്യാജ രേഖകൾ ഉണ്ടാക്കിയത് അന്വേഷണ സംഘത്തിലുണ്ടായിരുന്ന സിഐ കെ.കെ. ജോഷ്യയായിരുന്നുവെന്നും കുറ്റപത്രത്തില്‍ പറയുന്നു. സിബി മാത്യൂസിന് വേണ്ടിയാണ് ഇയാൾ കൃത്രിമരേഖ ഉണ്ടാക്കിയതെന്നാണ് കണ്ടെത്തല്‍. തെളിവുകളൊന്നുമില്ലാതെയാണ് നമ്പി നാരായണനെ അറസ്റ്റ് ചെയ്തതെന്നും സിബിഐ പറയുന്നു. ഗൂഢാലോചന കുറ്റപത്രത്തിലാണ് സിബിഐയുടെ കണ്ടെത്തൽ. മുൻ ഐബി ഉദ്യോഗസ്ഥൻ ജയപ്രകാശ് കസ്റ്റഡിയിൽ വെച്ച് നമ്പി നാരായണനെ മർദിച്ചുവെന്നും സിബിഐയുടെ കുറ്റപത്രത്തില്‍ പറയുന്നു.
