പാതിവില തട്ടിപ്പ് : എഎൻ രാധാകൃഷ്ണനടക്കമുള്ള നാല്‌ ബിജെപി നേതാക്കൾക്കെതിരെ കേസ്

കൊച്ചി : പാതിവില വാഹന തട്ടിപ്പില്‍ എ.എൻ രാധാകൃഷ്ണനടക്കമുള്ള ബിജെപി നേതാക്കൾക്കെതിരെ കേസ്. പറവൂർ സ്വദേശി നൽകിയ പരാതിയിലാണ് തൃക്കാക്കര പൊലീസ് നാലുപേർക്കെതിരെ കേസെടുത്തത്.

രാധാകൃഷ്ണനെ കൂടാതെ ബിജെപി നേതാക്കന്മാരായ സുമേഷ്, രൂപേഷ് മേനോൻ, കെ.ടി ബിനീഷ് എന്നിവർക്കെതിരെയാണ് കേസെടുത്തിട്ടുള്ളത്. പാതിവിലക്ക് ഇരുചക്രവാഹനം നല്‍കാമെന്ന് പറഞ്ഞ് പണം വാങ്ങിയിട്ട് രണ്ട് വര്‍ഷം കഴിഞ്ഞിട്ടും വാഹനമോ പണമോ നല്‍കിയില്ലെന്നാണ് പരാതി.തട്ടിപ്പുമായി ബന്ധപ്പെട്ട നിരവധി പരാതികളാണ് സംസ്ഥാനത്ത് രജിസ്റ്റർ ചെയ്തിട്ടുള്ളത്.