കോട്ടയം മേലുകാവിൽ ഓടിക്കൊണ്ടിരുന്ന കാറിന് തീപിടിച്ചു

കോട്ടയം : മേലുകാവിൽ ഓടിക്കൊണ്ടിരുന്ന കാറിന് തീപിടിച്ചു. രാവിലെ പത്തരയോടെയായിരുന്നു സംഭവം. വാഹനത്തിൽ അഞ്ചുപേരുണ്ടായിരുന്നു. ആർക്കും പരിക്കില്ല. കാർ പൂർണമായും കത്തിനശിച്ചു. മേലുകാവ് – ഇലവീഴാപൂഞ്ചിറ റോഡിലാണ് സംഭവമുണ്ടായത്. ഷോര്‍ട്ട് സര്‍ക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക വിവരം. 

കാറിലുണ്ടായിരുന്നവർ പള്ളിയിൽ  പോയി തിരിച്ചു മുട്ടത്തേക്ക് പോവുകയായിരുന്നു.  വാഹനത്തിൽ നിന്ന് പുക ഉയരുന്നത് പിന്നാലെ എത്തിയവർ ആണ് യാത്രക്കാരെ അറിയിച്ചത്. ഉടൻ പുറത്ത് ഇറങ്ങിയതിനാൽ വൻ ദുരന്തം ഒഴിവായി. ഈരാറ്റുപേട്ടയിൽ നിന്ന് ഫയർഫോഴ്‌സ്‌ എത്തിയാണ് തീ അണച്ചത്.