നെഹ്‌റുവിന് മാലയിട്ടതിന് ഊര് വിലക്ക് ഏര്‍പ്പെടുത്തിയ ബുധിനി അന്തരിച്ചു
യാത്ര കഴിഞ്ഞാല്‍ ബസല്ല, കമ്യൂണിസ്റ്റ് പാര്‍ട്ടി മ്യൂസിയത്തില്‍ കയറും : കേന്ദ്രമന്ത്രി വി മുരളീധരന്‍
November 18, 2023
റോബിന്‍ ബസിന് ഇന്ന് മോട്ടോര്‍ വാഹനവകുപ്പ് ഉദ്യോഗസ്ഥര്‍ പിഴയിട്ടത് 37,500 രൂപ
November 18, 2023
റാഞ്ചി : നെഹ്‌റുവിന് മാലയിട്ടതിന് ഊര് വിലക്ക് ഏര്‍പ്പെടുത്തിയ ബുധിനി (80) അന്തരിച്ചു. വാര്‍ധക്യസഹജമായ അസുഖങ്ങളെത്തുടര്‍ന്നായിരുന്നു അന്ത്യം. ഇവരുടെ ജീവിതമാണ് പിന്നീട് സാറാ ജോസഫ് ബുധിനി എന്ന നോവലിലൂടെ പറഞ്ഞത്.
സാന്താള്‍ ഗോത്രക്കാരിയായിരുന്നു ബുധിനി എന്ന പെണ്‍കുട്ടി. 1959-ല്‍ ഝാര്‍ഖണ്ഡിലെ ദാമോദര്‍ നദിയിലെ പാഞ്ചേത്ത് അണക്കെട്ട് ഉദ്ഘാടനം ചെയ്യാനെത്തിയ അന്നത്തെ ഇന്ത്യന്‍ പ്രധാനമന്ത്രി ജവഹര്‍ലാല്‍ നെഹ്റുവിനെ മാലയിട്ടു സ്വീകരിച്ചു. ദാമോദര്‍ വാലി കോര്‍പ്പറേഷന്റെ നിര്‍ദ്ദേശപ്രകാരമാണ് സ്വീകരിച്ചത്. ഡാമിന്റെ നിര്‍മാണത്തില്‍ പങ്കാളിയായ പെണ്‍കുട്ടി എന്ന നിലയില്‍ നെഹ്‌റു ബുധിനിയെക്കൊണ്ട് പാഞ്ചേത്ത് ഡാം ഉദ്ഘാടനം ചെയ്യിക്കുകയും ചെയ്തു.
പിന്നീടാണ് ബുധിനിയുടെ ജീവിതം മാറി മറിഞ്ഞത്. ഗോത്രത്തിനു പുറത്തുള്ള ഒരാളെ മാലയിട്ടു എന്ന കാരണത്താല്‍ സാന്താള്‍ ബുധിനിയെ ഊരുവിലക്കേര്‍പ്പെടുത്തി. തുടര്‍ന്ന് ഗ്രാമത്തില്‍ നിന്നും പുറത്താക്കി. ബുധിനിയുടെ ജീവിതമാണ് സാറാ ജോസഫ് തന്റെ നോവലിലൂടെ പറഞ്ഞത്. വികസനത്തിന്റെ പേരില്‍ സ്വന്തം ഭൂമിയില്‍ നിന്ന് ആട്ടിയിറക്കപ്പെട്ടവരുടെ ജീവിതമാണ് ഈ നോവലിലൂടെ സാറാ ജോസഫ് ആവിഷ്‌കരിച്ചത്.
