ത്രസിപ്പിച്ച് ഭ്രമയു​ഗത്തിൽ മെ​ഗാസ്റ്റാ‍‍‌ർ; സിനിമ 50 കോടി ക്ലബ്ബിലേക്ക്

കൊച്ചി: പ്രതീക്ഷകൾക്കപ്പുറത്തുള്ള പ്രകടനത്തിൽ കേരളക്കര ഞെട്ടിയപ്പോൾ മമ്മൂട്ടിയുടെ ഭ്രമയു​ഗം പുതിയ ചരിത്രം രചിക്കുന്നു. ഒരു മാസ് സിനിമ അല്ലാതിരുന്നിട്ടു കൂടി സിനിമയുടെ ആഗോള കളക്ഷൻ 42 കോടിയായി. കേരളത്തിൽ നിന്ന് മാത്രം ലഭിച്ചത് 17 കോടി രൂപ. ഈ ആഴ്ചയോടെ കളക്ഷൻ 50 കോടി കടന്നേക്കും.
ബ്ലാക്ക് അൻഡ് വൈറ്റ് വിഭാ​ഗത്തിലിറങ്ങിയ സിനിമക്ക് കേരളത്തിന് പുറമെ വിദേശത്തും വലിയ ജനപ്രീതിയാണ് ലഭിച്ചത്. ഇന്ത്യയിൽ മലയാളത്തിനു പുറമെ തമിഴ്, തെലുങ്ക്, കന്നഡ, ഹിന്ദി ഭാഷകളിലും ചിത്രം തരംഗമായിക്കഴിഞ്ഞു. കേരളത്തിൽ നൂറിലേറെ അധിക പ്രദര്‍ശനങ്ങളാണ് ഭ്രമയുഗത്തിന് നടന്നത്.