ആലപ്പുഴ – ധന്ബാദ് ട്രെയിനില് ഗര്ഭസ്ഥ ശിശുവിന്റെ മൃതദേഹം; എസ് 4, എസ് 3 കോച്ചുകളിലെ യാത്രക്കാരുടെ മൊഴിയെടുക്കും
കര്ണാടകയിലെ ബന്നാര്ഗട്ട വന്യജീവി സങ്കേതം കാണാനെത്തിയ കുട്ടിയെ പുലി ആക്രമിച്ചു
August 16, 2025
ഡാർക്ക് വെബ് മയക്കുമരുന്ന് കേസ്; മുഖ്യസൂത്രധാരൻ ഓസ്ട്രേലിയൻ മലയാളിയെ അറസ്റ്റ് ചെയ്യാൻ ഒരുങ്ങി എൻസിബി
August 16, 2025
ആലപ്പുഴ : ആലപ്പുഴ – ധന്ബാദ് എക്സ്പ്രസ് ട്രെയിനിലെ ശുചിമുറിയിലെ ചവറ്റുകൊട്ടയില് ഉപേക്ഷിക്കപ്പെട്ട നിലയില് ഗര്ഭസ്ഥ ശിശുവിന്റെ മൃതദേഹം കണ്ടെത്തിയ സംഭവത്തില് ട്രെയിനിന്റെ സീറ്റില് രക്തക്കറ കണ്ടെത്തി. ട്രെയിനിലെ എസ് 4 കോച്ചിലെ സീറ്റിലാണ് രക്തക്കറ കണ്ടെത്തിയത്. രക്തക്കറ കുഞ്ഞിന്റേതാണോ എന്നറിയാന് പരിശോധന നടത്തും.
എസ് 4, എസ് 3 കോച്ചുകളിലെ യാത്രക്കാരടെ വിവരങ്ങള് പൊലീസ് ശേഖരിച്ചു തുടങ്ങി. എസ് 3 കോച്ചിലെ ശുചിമുറിയിലാണ് മൃതദേഹം കണ്ടെത്തിയത്. ഈ സാഹചര്യത്തില് രണ്ടു കോച്ചുകളിലെയും മുഴുവന് യാത്രക്കാരുടെയും മൊഴിയെടുക്കാനാണ് പൊലീസിന്റെ തീരുമാനം.
വ്യാഴാഴ്ച രാത്രി ആലപ്പുഴ റെയില്വേ സ്റ്റേഷനില് എത്തിയ ധന്ബാദ് ആലപ്പുഴ എക്സ്പ്രസിന്റെ രണ്ടു കോച്ചുകള്ക്കിടയിലെ ചവറ്റുകുട്ടയിലായിരുന്നു മൃതശരീരം. ശുചീകരണത്തൊഴിലാളികളാണു കടലാസില് പൊതിഞ്ഞ നിലയിലുള്ള മൃതദേഹം കണ്ടെത്തിയത്. അവര് അറിയിച്ചതിനെത്തുടര്ന്നു റെയില്വേ പൊലീസ് എത്തി മൃതദേഹം മെഡിക്കല് കോളജ് ആശുപത്രിയിലേക്കു മാറ്റി. ഭ്രൂണത്തിനു 3 മുതല് 4 മാസം വരെ പ്രായമുണ്ടെന്നാണു ഡോക്ടര്മാരുടെ നിഗമനം.
