കോടിയേരി പാറാലില്‍ സിപിഐഎം പ്രവര്‍ത്തകരെ വെട്ടിയ സംഭവം ; നാല് ബിജെപി പ്രവര്‍ത്തകര്‍ അറസ്റ്റില്‍
കുവൈറ്റ് അപകടം : കാരണം സെക്യൂരിറ്റി കാബിനില്‍ നിന്ന് തീ പടര്‍ന്നത്
June 13, 2024
കുവൈത്ത് തീപിടുത്തം : 45 ഇന്ത്യക്കാരുടെ മൃതദേഹങ്ങളുമായി വിമാനം ഉടനെത്തും; കൊച്ചിയിൽ 31 മൃതദേഹങ്ങൾ കെെമാറും
June 14, 2024
കണ്ണൂര്‍ : കോടിയേരി പാറാലില്‍ സിപിഐഎം പ്രവര്‍ത്തകരെ വെട്ടിയ സംഭവത്തില്‍ നാല് ബിജെപി പ്രവര്‍ത്തകര്‍ അറസ്റ്റില്‍. ചാലക്കര നാലുതറയിലെ കുനിയില്‍ ഹൗസില്‍ ശരത് , ധര്‍മടം പാളയത്തില്‍ ഹൗസില്‍ ധനരാജ് , ന്യൂമാഹി കുറിച്ചിയില്‍ പുത്തന്‍വീട്ടില്‍ വിഗീഷ്, ചെമ്പ്രയിലെ ആയിനിയാട്ട് മീത്തലില്‍ സി കെ സനീഷ് എന്നിവരെ ന്യൂമാഹി പൊലീസാണ് അറസ്റ്റ് ചെയ്തത്. പ്രതികളെ കോടതിയില്‍ ഹാജരാക്കി.
പാറാലിലെ തൊട്ടോളില്‍ സുജനേഷ് (35), ചിരണങ്കണ്ടി ഹൗസില്‍ സുബിന്‍ (30) എന്നിവര്‍ക്കാണ് വെട്ടേറ്റത്. ഇരുവരും തലശ്ശേരി കൊടുവള്ളി സഹകരണ ആശുപത്രിയില്‍ പ്രവേശിപ്പിച്ചു. ആര്‍എസ്എസ് പ്രവര്‍ത്തകരാണ് ആക്രമത്തിന് പിന്നിലെന്ന് സിപിഐഎം ആരോപിച്ചിരുന്നു.
മാഹി ചെമ്പ്രയില്‍ നിന്ന് ആയുധവുമായി എത്തിയ സംഘമാണ് ആക്രമണം നടത്തിയതെന്നായിരുന്നു പരാതി. സുബിന്റെ തലക്കും കഴുത്തിനുമാണ് പരിക്ക്. സുജനേഷിന്റെ കൈയുടെ എല്ല് പൊട്ടി. തലയ്ക്കും വെട്ടേറ്റിരുന്നു.
