ലാലുവിന്റെ പരിഹാസത്തിന് മറുപടി, ‘മോദി കാ പരിവാര്‍’ പ്രചാരണവുമായി സോഷ്യൽ മീഡിയയിൽ ബിജെപി
ന്യായ് യാത്രയെത്തും മുൻപേ രാജി, ഗുജറാത്ത് കോൺഗ്രസ് വർക്കിംഗ് പ്രസിഡൻ്റ് അംബരീഷ് ദേർ ബിജെപിയിലേക്ക്
March 4, 2024
വന്യജീവി അക്രമത്തിനെതിരായ പ്രതിഷേധം :കൊല്ലപ്പെട്ട ഇന്ദിരയുടെ സഹോദരനും കുടുംബാംഗങ്ങൾക്കും പൊലീസ് നടപടിയിൽ പരിക്ക്
March 4, 2024
ന്യൂഡല്‍ഹി: ലോക്‌സഭ തെരഞ്ഞെടുപ്പില്‍ ‘രാജ്യം മുഴുവന്‍ മോദിയുടെ കുടുംബം’ എന്ന പ്രചരണ വാക്യവുമായി ബിജെപി. നരേന്ദ്രമോദിക്ക് കുടുംബമില്ലെന്ന ആര്‍ജെഡി നേതാവ് ലാലു പ്രസാദ് യാദവിന്റെ പരിഹാസത്തിന് മറുപടിയായാണ് ബിജെപിയുടെ പ്രചാരണം.
തെലങ്കാനയിലെ അഡിലാബാദില്‍ നടന്ന റാലിയില്‍ പ്രധാനമന്ത്രി കുടുംബാധിപത്യ പാര്‍ട്ടികളെ രൂക്ഷമായി വിമര്‍ശിച്ചു. അവയ്ക്ക് വ്യത്യസ്തമുഖമുണ്ടാകും, എന്നാല്‍ നുണയും കൊള്ളയും പൊതു സ്വഭാവമാണ്. രാജ്യത്തെ 140 കോടി ജനങ്ങളും തന്റെ കുടുംബമാണെന്നും മോദി പറഞ്ഞു. രാജ്യം മുഴുവന്‍ തന്റെ കുടുംബമാണെന്ന പ്രധാനമന്ത്രി നരേന്ദ്ര മോദിയുടെ പ്രസ്താവനയ്ക്ക് പിന്നാലെ ആഭ്യന്തര മന്ത്രി അമിത് ഷാ, ബിജെപി ദേശീയ അധ്യക്ഷന്‍ ജെപി നഡ്ഡ, കേന്ദ്രമന്ത്രി നിതിന്‍ ഗഡ്കരി ഉള്‍പ്പെടെ മുതിര്‍ന്ന ബിജെപി നേതാക്കള്‍ സോഷ്യല്‍ മീഡിയ പ്രൊഫൈലില്‍ ‘മോദി കാ പരിവാര്‍’ എന്ന് ചേര്‍ത്തു.
