സാന്റിയാഗോ മാർട്ടിനിൽ നിന്നും ബിജെപി കൈപ്പറ്റിയത് 100 കോടി , വെളിയിൽ വന്നത് രണ്ടുദിവസത്തെ ഇടപാട് മാത്രം
സിപിഎമ്മുമായി പ്രശ്നങ്ങളുണ്ട്, ബിജെപിയിലേക്കില്ല;അഭ്യൂഹങ്ങൾ തള്ളി എസ് രാജേന്ദ്രൻ
March 21, 2024
കെഎസ്ആര്‍ടിസി ബസും പിക്ക്അപ്പ് വാനും കൂട്ടിയിടിച്ച് വാൻ ഡ്രൈവര്‍ മരിച്ചു; 5 പേര്‍ക്ക് പരിക്ക്
March 21, 2024
ന്യൂഡൽഹി : ലോട്ടറി ഭീമൻ സാന്റിയാഗോ മാർട്ടിന്റെ ഫ്യൂച്ചർ ഗെയിമിങ്‌ കമ്പനിയിൽനിന്ന്‌ ഇലക്‌ടറൽ ബോണ്ടുകളിലൂടെ ബിജെപിക്കും കോടികൾ ലഭിച്ചതായി സ്ഥിരീകരണം. 2021 ഒക്ടോബർ അഞ്ച്‌, 2022 ജനുവരി അഞ്ച്‌ എന്നീ ദിവസങ്ങളിലായി മാത്രം നൂറു കോടി രൂപ മാർട്ടിനിൽനിന്ന്‌ ബിജെപിക്ക്‌ ലഭിച്ചു. ബിജെപി തെരഞ്ഞെടുപ്പ്‌ കമീഷന്‌ കൈമാറിയ വിവരങ്ങളും എസ്‌ബിഐ പുറത്തുവിട്ട വിശദാംശങ്ങളും താരതമ്യം ചെയ്യുമ്പോഴാണ്‌ മാർട്ടിന്റെ നൂറുകോടി സംഭാവന വ്യക്തമാകുന്നത്‌.
2021 ഡിസംബർ 23ന് സിക്കിം ലോട്ടറി കുംഭകോണവുമായി ബന്ധപ്പെട്ട്‌ മാർട്ടിന്റെ 20 കോടിയോളം രൂപയുടെ സ്വത്തുക്കൾ ഇഡി പിടിച്ചെടുത്തു. ഇതിന്‌ പിന്നാലെയാണ്‌ 2022 ജനുവരി അഞ്ചിന്‌ 50 കോടി രൂപ ഇലക്‌ടറൽ ബോണ്ട്‌ രൂപത്തിൽ മാർട്ടിൻ ബിജെപിക്ക്‌ കൈമാറിയത്‌. ചെന്നൈ കേന്ദ്രീകരിച്ചുള്ള ഒരു കമ്പനിയിൽനിന്ന്‌ 2021 ഒക്ടോബർ അഞ്ചിനും 2022 ജനുവരിയിലും അമ്പതു കോടി വീതം ഇലക്‌ടറൽ ബോണ്ടുകളിലൂടെ ലഭിച്ചെന്ന്‌ ബിജെപി തെരഞ്ഞെടുപ്പ്‌ കമീഷനെ അറിയിച്ചിരുന്നു. ഈ രണ്ട്‌ ഘട്ടത്തിലും അമ്പത്‌ കോടിയോ അതിലേറെയോ രൂപയുടെ ഇലക്‌ടറൽ ബോണ്ടുകൾ വാങ്ങിയിട്ടുള്ള ഏക കമ്പനി മാർട്ടിന്റെ ഫ്യൂച്ചർ ഗെയിമിങ്ങാണ്‌. മോദി സർക്കാർ അധികാരത്തിൽ വന്നതിന്‌ പിന്നാലെ 2015 ജൂണിൽ മാർട്ടിന്റെ മകൻ ചാൾസ്‌ ജോസ്‌ മാർട്ടിൻ ബിജെപിയിൽ ചേർന്നിരുന്നു.
