ബിജെപി-സിപിഐഎം സംഘര്‍ഷം : മൂന്ന് സിപിഐഎം പ്രവര്‍ത്തകര്‍ക്ക് കുത്തേറ്റു; പുതുപ്പണത്ത് ഇന്ന് ഹര്‍ത്താല്‍
ഇടുക്കിയില്‍ നാല് ഡാമുകളില്‍ റെഡ് അലര്‍ട്ട്; മുല്ലപ്പെരിയാറില്‍ 130 അടിക്കു മുകളില്‍
June 1, 2025
കൊല്ലത്ത് കേരള സർവകലാശാല കലോത്സവത്തിനിടെ കെഎസ്‍യു-എസ്എഫ്ഐ സംഘര്‍ഷം; നാല് പേർക്ക് പരിക്ക്
June 1, 2025
കോഴിക്കോട് : വടകര പുതുപ്പണത്ത് സിപിഐഎം-ബിജെപി ആക്രമണത്തിന് പിന്നാലെ സിപിഐഎം ഹര്‍ത്താല്‍. വടകര പുതുപ്പണം വെളുത്തമല വായനശാലയ്ക്ക് മുന്നില്‍ ഇന്നലെ രാത്രിയുണ്ടായ ആക്രമണത്തില്‍ മൂന്ന് സിപിഐഎം പ്രവര്‍ത്തകര്‍ക്കാണ് കുത്തേറ്റത്.
സംഭവത്തില്‍ പ്രതിഷേധിച്ചാണ് സിപിഐഎം ഇന്ന് പുതുപ്പണത്ത് ഹര്‍ത്താല്‍ പ്രഖ്യാപിച്ചിരിക്കുന്നത്. പുതുപ്പണം വെളുത്ത മല വായനശാലയുമായി ബന്ധപ്പെട്ട് വായനശാലയുടെ മേല്‍ക്കൂരയിലെ ഷീറ്റ് മാറ്റിയിടുന്നതുമായി ബന്ധപ്പെട്ട തര്‍ക്കമാണ് സംഘര്‍ഷത്തില്‍ കലാശിച്ചത്.
പുതുപ്പണം സൗത്ത് ലോക്കല്‍ കമ്മിറ്റി അംഗം കെഎം ഹരിദാസന്‍, വെളുത്ത മല സൗത്ത് ബ്രാഞ്ച് സെക്രട്ടറി പ്രവീണ്‍, പാര്‍ട്ടി പ്രവര്‍ത്തകന്‍ ബിബേഷ് എന്നിവര്‍ക്കാണ് ആക്രമണത്തില്‍ കുത്തേറ്റത്. പരിക്കേറ്റ മൂവരും ആശുപത്രിയില്‍ ചികിത്സയിലാണ്. ആക്രമിച്ചവരില്‍ കോണ്‍ഗ്രസ് പ്രവര്‍ത്തകരുമുണ്ടായിരുന്നെന്ന് സിപിഐഎം ആരോപിച്ചിട്ടുണ്ട്. സംഘര്‍ഷം ഉണ്ടായ സ്ഥലത്ത് നിലവില്‍ പൊലീസ് കാവല്‍ ഏര്‍പ്പെടുത്തിയിരിക്കുകയാണ്.
