ബി​പ​ർ​ജോ​യ് ചു​ഴ​ലി​ക്കൊ​ടു​ങ്കാ​റ്റ് കരയോടടുക്കുന്നു, വീശിയടിക്കുക ഗുജറാത്ത്, വടക്ക് പാകിസ്ഥാന്‍ തീരങ്ങളി​ൽ

മുംബൈ: അ​റ​ബി​ക്ക​ട​ലി​ൽ രൂ​പം​കൊ​ണ്ട ബി​പ​ർ​ജോ​യ് ചു​ഴ​ലി​ക്കൊ​ടു​ങ്കാ​റ്റ് ശ​ക്തി​പ്രാ​പി​ച്ച് ക​ര​യോ​ട് അ​ടു​ക്കു​ന്നു. നി​ല​വി​ൽ ഗോ​വ​യ്ക്കും മും​ബൈ​യ്ക്കും മ​ധ്യ​ത്തി​ലാ​യാ​ണ് ചു​ഴ​ലി​ക്കാ​റ്റ് സ​ഞ്ച​രി​ക്കു​ന്ന​ത്. സൗ​രാ​ഷ്ട്ര, ക​ച്ച് തീ​ര​ങ്ങ​ൾ​ക്ക് യെ​ല്ലോ അ​ല​ർ​ട്ട് പ്ര​ഖ്യാ​പി​ച്ചി​ട്ടു​ണ്ട്.ഒമാന്‍ തീരത്തേയ്ക്ക് നീങ്ങിക്കൊണ്ടിരുന്ന ചുഴലിക്കാറ്റ് ദിശ മാറി, വടക്ക് പാകിസ്ഥാന്‍, ഗുജറാത്ത് തീരങ്ങളിലേക്കാണ് നീങ്ങുന്നത്.

നിലവില്‍ അഞ്ചുകിലോമീറ്റര്‍ വേഗത്തില്‍ സഞ്ചരിക്കുന്ന ചുഴലിക്കാറ്റ് അടുത്ത ആറുമണിക്കൂറില്‍ വീണ്ടും തീവ്രമാകുമെന്നാണ് കേന്ദ്ര കാലാവസ്ഥ വകുപ്പിന്റെ പ്രവചനം.വടക്കോട്ട് നീങ്ങുന്ന ചുഴലിക്കാറ്റ് ഇന്ത്യയില്‍ സൗരാഷ്ട്ര, കച്ച് തീരങ്ങളില്‍ ജൂണ്‍ 15ന് തീരം തൊടുമെന്നാണ് കണക്കുകൂട്ടൽ. നിലവില്‍ മുംബൈയുടെ പടിഞ്ഞാറ് – തെക്ക് പടിഞ്ഞാറ് ദിശയില്‍ അറബിക്കടലില്‍ 600 കിലോമീറ്റര്‍ അകലെയാണ് ചുഴലിക്കാറ്റ് സ്ഥിതി ചെയ്യുന്നത്.  ചുഴലിക്കാറ്റിന്‍റെ പശ്ചാത്തലത്തിൽ മത്സ്യത്തൊഴിലാളികൾ കടലിൽ പോകുന്നതിനും, കടൽതീരത്തെ വിനോദസഞ്ചാരത്തിനും വിലക്കേർപ്പെടുത്തിയിട്ടുണ്ട്.

അതേസമയം, ന്യൂനമർദത്തിന്‍റെ ഫലമായുള്ള ശക്തമായ മഴയുടെ ഭീഷണി ഇപ്പോഴും കേരളത്തിൽ നിലനിൽക്കുന്നുണ്ട്. വരും ദിവസങ്ങളിലും കേരളത്തിൽ മഴ ശക്തമാകും. ഈ മാസം 14 വരെ കേരള, കർണാടക, ലക്ഷദ്വീപ് തീരങ്ങളിൽ മത്സ്യബന്ധനത്തിനു നിരോധനം ഏർപ്പെടുത്തിയിട്ടുണ്ട്.