ഇന്ത്യക്ക് വൻ തിരിച്ചടി; ലോകകപ്പ് യോ​ഗ്യത മത്സരത്തിൽ സമനില

സൗദിഅറേബ്യ: ഇന്ത്യയുടെ ലോകകപ്പ് മോഹങ്ങൾക്ക് തിരിച്ചടിയായി അഫ്​ഗാനിസ്ഥാനോടേറ്റ സമനില. ഇന്നലെ നടന്ന മത്സരം ​ഗോൾ രഹിത സമനിലയിൽ അവസാനിച്ചു. റാങ്കിങ്ങിൽ താഴെയുള്ള അഫ്​​ഗാനോടുള്ള സമനില യോഗ്യത മത്സരങ്ങളുടെ മൂന്നാം റൗണ്ടിലേക്കുള്ള പ്രവേശനത്തിന് തിരിച്ചടിയാണ്. ഇനി ഇന്ത്യയിലും അഫ്​ഗാനെതിരെ ഇന്ത്യക്ക് മത്സരമുണ്ട്.
മത്സരത്തിൽ നിരവധി അവസരങ്ങൾ ലഭിച്ചെങ്കിലും ഇന്ത്യൻ ടീമിന് അത് മുതലെടുക്കാനായില്ല. തുടർച്ചയായ അഞ്ചാം മത്സരത്തിലാണ് ഇന്ത്യ ​ഗോൾ നേടാതെ മത്സരം അവസാനിപ്പിക്കുന്നത്. ഇന്ത്യ, കുവൈത്ത്, ഖത്തർ, അഫ്ഗാനിസ്ഥാൻ എന്നിവരടങ്ങിയ ‘എ ഗ്രൂപ്പി’ൽ നാല് പോയൻറുമായി രണ്ടാം സ്ഥാനത്താണ് ഇന്ത്യ. ഒമ്പത് പോയിൻറുമായി ഖത്തർ ആണ് ഗ്രൂപ്പിൽ ഒന്നാം സ്ഥാനത്ത്. മൂന്ന് പോയിന്റുമായി കുവൈത്ത് മൂന്നാം സ്ഥാനത്താണ്. രണ്ടു മത്സരങ്ങളിലും പരാജയമേറ്റുവാങ്ങിയ അഫ്ഗാനിസ്ഥാന് നിലവിൽ പോയിൻറൊന്നുമില്ല. മത്സരം സമനിലയിലായതോടെ അടുത്ത മത്സരങ്ങൾ ഇന്ത്യക്ക് നിർണായകമാകും.