ഇന്ന് പെസഹ; ക്രിസ്തുവിന്റെ അന്ത്യ അത്താഴസ്മരണ പുതുക്കി വിശ്വാസികൾ
പാചക വാതക പ്രതിസന്ധി രൂക്ഷം; പോണ്ടിച്ചേരി സർവകലാശാല 15 ദിവസം മുൻപ് അടച്ചുപൂട്ടുന്നു
April 1, 2026
സംസ്ഥാനത്ത് ഒറ്റപ്പെട്ടയിടങ്ങളില് ഞായറാഴ്ച വരെ ഇടിമിന്നലോട് കൂടിയ മഴയ്ക്ക് സാധ്യത
April 2, 2026
കൊച്ചി : യേശു ക്രിസ്തുവിന്റെ അന്ത്യ അത്താഴത്തിന്റെ സ്മരണ പുതുക്കി വിശ്വാസികൾ പെസഹ വ്യാഴം ആചരിക്കും. 12 ശിഷ്യന്മാരുമൊത്തുള്ള യേശുവിന്റെ അന്ത്യ അത്താഴത്തിന്റെ ഓര്മ്മ പുതുക്കിയാണ് ക്രൈസ്തവര് പെസഹ ആചരിക്കുന്നത്. പള്ളികളില് പ്രത്യേക പ്രാര്ത്ഥനകളും കാല് കഴുകല് ശുശ്രൂഷകളും പെസഹായുമായി ബന്ധപ്പെട്ട് നടക്കും.
അൻപതുനോമ്പിലെ അവസാന ആഴ്ചയാണിത്. ഓശാന ഞായറാഴ്ച ആരംഭിച്ച വിശുദ്ധവാരത്തിലെ അഞ്ചാം ദിവസമാണ് പെസഹ ദിവസമായി ക്രൈസ്തവർ ആചരിക്കുന്നത്. അന്ത്യ അത്താഴ വേളയില് ശിഷ്യന്മാരുടെ പാദങ്ങള് കഴുകി ക്രിസ്തു വിനയത്തിന്റെ മാതൃക ലോകത്തിന് കാട്ടി കൊടുത്തതിനെ അനുസ്മരിച്ചാണ് കാല് കഴുകല് ശുശ്രൂഷ നടത്തുന്നത്.
പള്ളികളിൽ തെരെഞ്ഞെടുക്കപ്പെടുന്ന 12 പേരുടെ കാല് കഴുകുന്ന ചടങ്ങാണ് കാല് കഴുകല് ശുശ്രൂഷ. കുരിശു മരണത്തിന്റെ സ്മരണയില് നാളെ ദുഃഖവെള്ളി ആചരിക്കും.
