പുതുവത്സരാഘോഷങ്ങളുടെ ഭാഗമായി ബാറുകളുടെ പ്രവര്ത്തന സമയത്തില് ഇളവ്
പ്രിയങ്ക ഗാന്ധിയുടെ മകന് റെയ്ഹാന് വിവാഹിതനാകുന്നു
December 30, 2025
വയനാട്ടില് കോണ്ഗ്രസിന്റെ ടൗണ്ഷിപ്പ്; പറഞ്ഞത് ആഗ്രഹം, രാഹുല് ഗാന്ധി പ്രഖ്യാപിച്ചത് കോണ്ഗ്രസ് പാലിച്ചിരിക്കും : ടി സിദ്ദിഖ്
December 30, 2025
കൊച്ചി : പുതുവത്സരാഘോഷങ്ങളുടെ ഭാഗമായി ബാറുകളുടെ പ്രവര്ത്തന സമയത്തില് ഇളവ്. ഡിസംബര് 31 ബുധനാഴ്ച ബാറുകള്ക്ക് രാത്രി 12 മണിവരെ പ്രവര്ത്തിക്കാം. ബിയര് വൈന് പാര്ലറുകളുടെ സമയവും നീട്ടി നല്കിയിട്ടുണ്ട്. ഇളവ് സംബന്ധിച്ച് സര്ക്കാര് ഉത്തരവിറക്കി.
വിനോദസഞ്ചാരികളുടെ വരവ് കണക്കിലെടുത്താണ് തീരുമാനം. സംസ്ഥാനത്ത് ആദ്യമായാണ് പുതുവത്സരാഘോഷങ്ങള്ക്കായി ബാറുകളുടെ പ്രവര്ത്തന സമയം ദീര്ഘിപ്പിക്കുന്നത്. എന്നാല് ബെവ്കോ ഔട്ടലെറ്റുകളുടെ പ്രവര്ത്തന സമയത്തില് മാറ്റമില്ല. ഒന്പതു മണി വരെയാകും ഔട്ട് ലെറ്റുകള് പ്രവര്ത്തിക്കുക.
രാവിലെ 10 മണി മുതല് രാത്രി 11 വരെയാണ് ബാറുകളുടെ പ്രവര്ത്തന സമയം. ഇതില് ഒരു മണിക്കൂറിന്റെ ഇളവാണ് നല്കിയിരിക്കുന്നത്. വിവിധ ബാറുകള് പുതുവത്സരം പ്രമാണിച്ച് വലിയ ആഘോഷങ്ങള് ഒരുക്കിയിട്ടുണ്ട്.
