പ്രാ​ണ​ പ്രതിഷ്‌ഠ ഇന്ന്‌ 12.20ന്‌  , അയോധ്യയിൽ കനത്ത സുരക്ഷ

അ​യോ​ധ്യ: രാ​മ​ക്ഷേ​ത്ര പ്രാ​ണ​പ്ര​തി​ഷ്ഠ​യ്ക്ക് മ​ണി​ക്കൂ​റു​ക​ൾ മാ​ത്രം ശേ​ഷി​ക്കെ അ‌​യോ​ധ്യ​യി​ൽ ഉ​ത്സ​വാ​ന്ത​രീ​ക്ഷം. ഇ​ന്ന് ഉ​ച്ച‌​യ്ക്ക് 12.30ന് ​പ്ര​തി​ഷ്ഠാ ച​ട​ങ്ങു​ക​ൾ ആ​രം​ഭി​ച്ച് ഒ​ന്നി​ന് അ​വ​സാ​നി​ക്കും.പ്രധാനമന്ത്രി നരേന്ദ്ര മോദിയുടെ നേതൃത്വത്തിലാണ്‌ ചടങ്ങ്‌.

രാമജന്മഭൂമി ട്രസ്റ്റ്‌ ചെയർമാൻ സത്യഗോപാൽ ദാസ്‌ മഹാരാജ്, ഉത്തർപ്രദേശ്‌ ഗവർണർ ആനന്ദി ബെൻ പട്ടേൽ, മുഖ്യമന്ത്രി യോഗി ആദിത്യനാഥ്, ആർഎസ്‌എസ്‌ തലവൻ മോഹൻ ഭഗത്‌ എന്നിവരും പങ്കെടുക്കും. ക്ഷണിക്കപ്പെട്ട 8000ഓളം പേരുടെ സാന്നിധ്യമുണ്ടാകും. പ്രാണ പ്രതിഷ്‌ഠാ ചടങ്ങിൽ യജമാനൻമാരായി 15 ദമ്പതികളെ പങ്കെടുപ്പിക്കുമെന്ന്‌ റിപ്പോർട്ടുണ്ട്‌. പ്രാ​ണ പ്രതിഷ്‌ഠയ്ക്കുശേഷം നയാഘാട്ടിലെ പ്രത്യേക വേദിയിൽ പ്രധാനമന്ത്രി സംസാരിക്കും.

ദക്ഷിണേന്ത്യൻ സന്ദർശനത്തിനുശേഷം ച​ട​ങ്ങു​ക​ൾ​ക്കാ‌​യി പ്ര​ധാ​ന​മ​ന്ത്രി ന​രേ​ന്ദ്ര മോ​ദി രാ​വി​ലെ 10.30ന് ​അ​യോ​ധ്യാ​യി​ലെ​ത്തും.സു​ര​ക്ഷ​യ്ക്കാ​യി 13,000 സേ​നാം​ഗ​ങ്ങ​ൾ​ക്കു പു​റ​മെ, ബോം​ബ്, ഡോ​ഗ് സ്ക്വാ​ഡു​ക​ൾ, ദേ​ശീ​യ ദു​ര​ന്ത നി​വാ​ര​ണ സേ​ന, സം​സ്ഥാ​ന ദു​ര​ന്ത നി​വാ​ര​ണ സേ​ന എ​ന്നി​വ​രെ​യും നി​യോ​ഗി​ച്ചു. യു​പി സ്‌​പെ​ഷ​ൽ സെ​ക്യൂ​രി​റ്റി ഫോ​ഴ്‌​സി​ന്‍റെ (എ​സ്‌​എ​സ്‌​എ​ഫ്) ആ​ന്‍റി-​ഡ്രോ​ൺ സം​വി​ധാ​നം ആ​കാ​ശ നി​രീ​ക്ഷ​ണം ന​ട​ത്തു​ന്നു​ണ്ട്.മു​ഴു​വ​ൻ പ​രി​പാ​ടി​യും ത​ത്സ​മ‌​യം പ്ര​ദ​ർ​ശി​പ്പി​ക്കും. പ്ര​തി​ഷ്ഠാ ച​ട​ങ്ങു​ക​ൾ​ക്ക് ശേ​ഷം ചൊ​വ്വാ​ഴ്ച രാ​മ​ക്ഷേ​ത്രം പൊ​തു​ജ​ന​ങ്ങ​ൾ​ക്കാ​യി തു​റ​ന്നു​കൊ​ടു​ക്കും.