രണ്ടാഴ്ചയിൽ കാര്യമായ മഴ കിട്ടില്ല, ഓഗസ്റ്റിൽ 90 ശതമാനം മഴക്കുറവ്‌
നൂഹ് വർഗീയ കലാപത്തിനുമുമ്പ് പ്രകോപനപരമായ വീഡിയോ പ്രചരിപ്പിച്ച ബിട്ടു ബജ്റംഗി അറസ്റ്റിൽ
August 16, 2023
നിരക്ക് വർധന ചർച്ചയിലില്ല , വൈദ്യുതി പ്രതിസന്ധി ചർച്ച ചെയ്യാനായി സംസ്ഥാനത്ത് ഇന്ന് അവലോകന യോഗം
August 16, 2023
കൊച്ചി : കാലവർഷം തകർത്തുപെയ്യേണ്ട ഓഗസ്റ്റിൽ ഇതുവരെ ലഭിച്ചത്‌ 25.1 മില്ലീമീറ്റർ മഴമാത്രം. 90 ശതമാനമാണ്‌ കുറവ്‌. ആഗസ്‌ത്‌ ഒന്നുമുതൽ 15 വരെ സംസ്ഥാനത്ത് ശരാശരി 254.6 മില്ലീമീറ്റർ മഴയാണ്‌ കിട്ടേണ്ടത്‌. പോയവർഷം 326 മില്ലീമീറ്ററും 2019ൽ 686.2 മില്ലീമീറ്ററും കിട്ടി. പ്രധാന കാലവർഷ സമയമായ ജൂൺ ഒന്നുമുതൽ ആഗസ്‌ത്‌ 15 വരെ 44 ശതമാനം മഴയുടെ കുറവുണ്ട്‌.
ഇടുക്കിയിലാണ്‌ ഏറ്റവും കുറവ്‌.- 60 ശതമാനം. വയനാട്ടിൽ 55 ശതമാനത്തിന്റെയും കോഴിക്കോട്ട്‌ 53 ശതമാനത്തിന്റെയും കുറവാണ്‌. അടുത്ത രണ്ടാഴ്ചക്കുള്ളിൽ കാര്യമായ മഴയ്‌ക്ക്‌ സാധ്യതയില്ലെന്നാണ്‌ കേന്ദ്ര കാലാവസ്ഥാ വകുപ്പിന്റെ പ്രവചനം. തുടർന്നും മഴ ലഭിച്ചില്ലെങ്കിൽ വലിയ വരൾച്ചയിലേക്ക്‌ സംസ്ഥാനം നീങ്ങും.
