സത്യം പറയുന്നവരെ ഇംപീച്ച്‌ ചെയ്യാൻ ശ്രമം; പ്രതിപക്ഷത്തെ കടന്നാക്രമിച്ച് യോഗി ആദിത്യനാഥ്
സിറിയന്‍ പ്രതിസന്ധി ചര്‍ച്ച ചെയ്യാനുള്ള ജോര്‍ദാന്‍ ഉച്ചകോടി അവസാനിച്ചു
December 15, 2024
വിധി തട്ടിയെടുത്ത സ്വപ്നങ്ങൾ; നിഖിലും അനുവും വിവാഹിതരായിട്ട് 15 നാളുകൾ
December 15, 2024
മുംബൈ : രാജ്യസഭാ ചെയർമാൻ ജഗ്ദീപ് ധൻകറിനെയും അലഹബാദ് ഹൈക്കോടതി ജഡ്ജി ജസ്റ്റീസ് ശേഖർ കുമാർ യാദവിനെയും ഇംപീച്ച്‌ ചെയ്യാനുള്ള പ്രതിപക്ഷ നീക്കത്തെ വിമർശിച്ച് യുപി മുഖ്യമന്ത്രി യോഗി ആദിത്യനാഥ്. സത്യം പറയുന്നവരെ നിശബ്ദമാക്കാനാണ് പ്രതിപക്ഷം ശ്രമിക്കുന്നതെന്നും എന്നിട്ടും അവർ ഭരണഘടനയെക്കുറിച്ച് സംസാരിക്കന്നെന്നും അദ്ദേഹം പറഞ്ഞു.
പ്രതിപക്ഷത്തിന്‍റെ ഇരട്ടത്താപ്പ് നയം ജനങ്ങൾ കാണുന്നുണ്ടെന്നും യോഗി മുംബൈയിലെ ഒരു യോഗത്തിൽ പറഞ്ഞു. ഒരു ഏകീകൃത സിവിൽ കോഡ് വേണമെന്നും ഭൂരിപക്ഷത്തിന്‍റെ ആഗ്രഹപ്രകാരം ഇന്ത്യ ഭരിക്കപ്പെടും എന്നാണ് അലഹബാദ് ഹൈക്കോടതി ജഡ്ജി പറഞ്ഞത്.
ഒരു വ്യക്തി തന്‍റെ അഭിപ്രായങ്ങൾ പറഞ്ഞാൽ അതിൽ എന്ത് കുറ്റമാണുള്ളത്. ലോകമെമ്പാടും ഭൂരിപക്ഷ സമുദായം പറയുന്നതനുസരിച്ചാണ് പ്രവർത്തിക്കുന്നത്. രാജ്യസഭാ അധ്യക്ഷനെന്ന നിലയിൽ പക്ഷപാതപരമായാണ് ജഗ്ദീപ് ധൻകർ പ്രവർത്തിക്കുന്നത്.
ഒരു കർഷകന്‍റെ മകൻ എങ്ങനെ ഈ നിലയിൽ എത്തിയെന്നതാണ് പ്രതിപക്ഷത്തെ ആശങ്കപ്പെടുത്തുന്നത്. ഒരു ജഡ്ജിയെന്ന നിലയിലും രാജ്യത്തെ ഒരു പൗരനെന്ന നിലയിലും ആരെങ്കിലും സത്യം പറഞ്ഞാൽ എന്തിനാണ് ഇംപീച്ച്‌ ചെയ്യാൻ ശ്രമിക്കുന്നതെന്നും യുപി മുഖ്യമന്ത്രി ചോദിച്ചു.
