നടിയെ ആക്രമിച്ച കേസിൽ വിധി പറയാൻ എട്ടുമാസംകൂടി അനുവദിക്കണമെന്ന വിചാരണക്കോടതിയുടെ ആവശ്യം സുപ്രീംകോടതി ഇന്ന് പരിഗണിക്കും

ന്യൂ​ഡ​ല്‍​ഹി: നടിയെ ആക്രമിച്ച കേസിൽ വിചാരണ പൂർത്തിയാക്കി വിധിപറയാൻ സമയം നീട്ടിനൽകണമെന്ന വിചാരണക്കോടതിയുടെ ആവശ്യം സുപ്രീംകോടതി ഇന്ന് പരിഗണിക്കും. വി​ധി പ്ര​സ്താ​വി​ക്കാ​ന്‍ എ​ട്ട് മാ​സം കൂ​ടി സ​മ​യം അ​നു​വ വി​ചാ​ര​ണ​ക്കോ​ട​തി ജ​ഡ്ജി​യു​ടെ ആ​വ​ശ്യം വെ​ള്ളി​യാ​ഴ്ച ജ​സ്റ്റീ​സു​മാ​രാ​യ അ​നി​രു​ദ്ധ ബോ​സ്, ബേ​ല എം. ​ത്രി​വേ​ദി എ​ന്നി​വ​ര​ട​ങ്ങി​യ സു​പ്രീം കോ​ട​തി ബെ​ഞ്ച് പ​രി​ഗ​ണി​ക്കും. ​ദി​ക്ക​ണ​മെ​ന്നാണ് വി​ചാ​ര​ണ​ക്കോ​ട​തി ജ​ഡ്ജി ഹ​ണി എം. ​വ​ര്‍​ഗീ​സിന്റെ ആവശ്യം. 

2024 മാ​ര്‍​ച്ച് 31 വ​രെ സ​മ​യം അ​നു​വ​ദി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ഹ​ണി എം. ​വ​ര്‍​ഗീ​സ് സു​പ്രീം കോ​ട​തി​ക്ക് ക​ത്ത് ന​ല്‍​കിയിട്ടുണ്ട്. വി​ചാ​ര​ണ പൂ​ര്‍​ത്തി​യാ​ക്കാ​ന്‍ സു​പ്രീം കോ​ട​തി അ​നു​വ​ദി​ച്ച സ​മ​യ​പ​രി​ധി ജൂ​ലൈ 31-ന് ​അ​വ​സാ​നി​ച്ചി​രു​ന്നു. ഇ​നി​യും ആ​റ് സാ​ക്ഷി​ക​ളെ വി​സ്ത​രി​ക്ക​ണ​മെ​ന്നാ​ണ് പ്രോ​സി​ക്യൂ​ഷ​ന്‍ അ​റി​യി​ച്ചി​ട്ടു​ള്ള​ത്.വി​സ്താ​രം പൂ​ര്‍​ത്തി​യാ​കാ​ന്‍ ഏ​റ്റ​വും ചു​രു​ങ്ങി​യ​ത് മൂ​ന്നു മാ​സം കൂ​ടി ആ​വ​ശ്യ​മെ​ന്നാ​ണ് രേ​ഖ​ക​ളി​ല്‍​നി​ന്ന് മ​ന​സി​ലാ​കു​ന്ന​തെ​ന്നും വി​ചാ​ര​ണ​ക്കോ​ട​തി ജ​ഡ്ജി സു​പ്രീം കോ​ട​തി​ക്ക് കൈ​മാ​റി​യ ക​ത്തി​ല്‍ വ്യ​ക്ത​മാ​ക്കി​യി​ട്ടു​ണ്ട്.

സു​പ്രീം കോ​ട​തി നി​ഷ്‌​ക​ര്‍​ഷി​ച്ച സ​മ​യ​പ​രി​ധി​ക്കു​ള്ളി​ല്‍ വി​ചാ​ര​ണ പൂ​ര്‍​ത്തി​യാ​ക്കി വി​ധി പ്ര​സ്താ​വി​ക്കാ​ന്‍ എ​ല്ലാ ശ്ര​മ​ങ്ങ​ളും കോ​ട​തി ന​ട​ത്തി​യി​രു​ന്ന​താ​യി ക​ത്തി​ല്‍ വി​ശ​ദീ​ക​രി​ച്ചി​ട്ടു​ണ്ട്. എ​ന്നാ​ല്‍, എ​റ​ണാ​കു​ളം പ്രി​ന്‍​സി​പ്പ​ല്‍ സെ​ഷ​ന്‍​സ് കോ​ട​തി എ​ന്ന നി​ല​യി​ല്‍ ഭ​ര​ണ​പ​ര​മാ​യ മ​റ്റ് ക​ര്‍​ത്ത​വ്യ​ങ്ങ​ള്‍ കൂ​ടി ത​നി​ക്ക് നി​ര്‍​വ​ഹി​ക്കേ​ണ്ട​തു​ണ്ടെ​ന്ന് ജി​ല്ലാ ജ​ഡ്ജി ഹ​ണി എം. ​വ​ര്‍​ഗീ​സ് ക​ത്തി​ല്‍ ചൂ​ണ്ടി​ക്കാ​ട്ടി​യി​ട്ടു​ണ്ട്.