ഏഷ്യൻ അത്‌ലറ്റിക്സ് ചാമ്പ്യൻഷിപ്പ് : എം. ശ്രീശങ്കറിന് വെള്ളി, ഒളിമ്പിക്സ് യോഗ്യത
ബാങ്കോക്ക്: 25-ാമത് ഏഷ്യൻ അത്‌ലറ്റിക്സ് ചാമ്പ്യൻഷിപ്പ് ലോങ്ങ് ജമ്പിൽ മലയാളി താരം എം. ശ്രീശങ്കറിന് വെള്ളി. 8.37 മീറ്റർ ചാടിയ ശ്രീശങ്കർ രണ്ടാം സ്ഥാനത്തെത്തി. ഇതോടെ 2024 പാരീസ് ഒളിമ്പിക്സിനും ശ്രീശങ്കർ യോഗ്യത നേടി.
ഒളിമ്പിക്സിന്‍റെ യോഗ്യതാ മാർക് 8.27 മീറ്ററായിരുന്നു. ഏഷ്യൻ ചാമ്പ്യൻഷിപ്പിൽ ശ്രീശങ്കറിന്‍റെ ആദ്യ മെഡലാണിത്. മത്സരത്തിൽ ശ്രീശങ്കറിന്‍റെ അഞ്ച് ചാട്ടങ്ങളും എട്ട് മീറ്റർ കടന്നിരുന്നു.
