അരിക്കൊമ്പൻ നെയ്യാറിനു കിലോമീറ്ററുകൾ അകലെയുള്ള മുണ്ടൻതുറൈ കടുവാ സങ്കേതത്തിൽ

തിരുവനന്തപുരം : അരിക്കൊമ്പൻ നെയ്യാറിനു കിലോമീറ്ററുകൾ അകലെയുള്ള മുണ്ടൻതുറൈ കടുവാ സങ്കേതത്തിലെത്തി. ചിന്നക്കനാല്‍ കടുവാ സങ്കേതത്തില്‍ നിന്ന് കാടുകടത്തപ്പെട്ട കാട്ടാന അരിക്കൊമ്പൻ നിലവിൽ കളയ്ക്കാട് മുണ്ടൻതുറൈ കടുവ സങ്കേതത്തിലെ അപ്പർകോദയാറിൽ വിഹരിക്കുകയാണ്.

ആന  കേരളവനാന്തരങ്ങളിലേക്ക് വരാൻ സാധ്യതയില്ലെന്ന് വൈൽഡ് ലൈഫ് വാർഡൻ സെമ്പക പ്രിയ പറഞ്ഞു.അപ്പര്‍ കോതയാറിലേക്ക് അരിക്കൊമ്പന്‍ തിരികെ പോകാനാണ് സാധ്യതയെന്നും അവര്‍ പറഞ്ഞു. വീടും വാഴയും മരവും അരിക്കൊമ്പന്‍ നശിപ്പിച്ചെങ്കിലും അരികിലുണ്ടായിരുന്ന റേഷന്‍കടയെ വെറുതെവിട്ടു. അരിക്കൊമ്പന്‍ തിരികെ അപ്പര്‍ കോതയാര്‍ ഭാഗത്തേക്ക് മടങ്ങുമെന്ന പ്രതീക്ഷയിലാണ് വനപാലകര്‍. നെയ്യാറിന് 65 കിലോമീറ്റര്‍ അകലെയാണ് അരിക്കൊമ്പന്‍. ഒരു ദിവസം 10 കിലോമീറ്റര്‍ സഞ്ചരിക്കുന്നുണ്ടെന്നുവെന്നും  സെമ്പക പ്രിയ പറഞ്ഞു.

അരികൊമ്പന്‍ നിലയുറപ്പിച്ച ബോംബെ ബര്‍മാ തെയില ഫാക്ടറി പ്രവര്‍ത്തിപ്പിക്കരുതെന്നും തൊഴിലാളികള്‍ പണിക്ക് പോകരുകെന്നും വനപാലകര്‍ നിര്‍ദ്ദേശം നല്‍കി.ഊത്തിലെ സ്‌കൂളിനും നിലവില്‍ അവധി നല്‍കിയാല്‍ നന്നാവുമെന്നും ഡിഡി പറഞ്ഞു.അരികൊമ്പന് ഒപ്പം മറ്റ് നാല് ആനകളും പ്രദേശത്ത് ഉണ്ട്.  പക്ഷേ അക്രമം നടത്തിയത് അരിക്കൊമ്പനാണ്.

നാട്ടിലിറങ്ങിയ അരിക്കൊമ്പൻ വാഴകൃഷിയും വീടിന്റെ ഷീറ്റും സിഎസ്ഐ പള്ളിയിലെ മരവും  നശിപ്പിച്ചിരുന്നു. ആനയിറങ്ങിയ സാഹചര്യത്തിൽ കളക്കാട് മുണ്ടൻതുറൈ കടുവ സങ്കേതത്തിൽ വിനോദ സഞ്ചാരം നിരോധിച്ചിരിക്കുകയാണ്. കഴിഞ്ഞ ദിവസം നാലുമുക്കിൽ വാഴകൃഷിയും ഊത്തിൽ വീടിന്റെ മേൽകൂരയും ആന നശിപ്പിച്ചു. ഊത്ത് എസ്റ്റേറ്റിലെ  സിഎസ്ഐ പള്ളി വളപ്പിലെ മരവും അരിക്കൊമ്പൻ തകർത്തു.