പ്രതിഷേധത്തെ ഭയന്ന് എല്ലാം രഹസ്യം, അ​രി​ക്കൊ​മ്പൻ തി​രു​നെ​ല്‍​വേ​ലി​യി​ലേക്കെന്ന് സൂ​ച​ന

ക​മ്പം: ത​മി​ഴ്‌​നാ​ട് വ​നം​വ​കു​പ്പ് മ​യ​ക്കു​വെ​ടി​വ​ച്ച് പി​ടി​കൂ​ടി​യ അ​രി​ക്കൊ​മ്പ​നെ തു​റ​ന്നു​വി​ടു​ന്ന​ത് തി​രു​നെ​ല്‍​വേ​ലി​യി​ലെ​ന്ന് സൂ​ച​ന. തി​രു​നെ​ല്‍വേ​ലി ജി​ല്ല​യി​ലെ പാ​പ​നാ​ശം കാ​ര​യാ​ര്‍ അ​ണ​ക്കെ​ട്ടി​ലെ വ​ന​മേ​ഖ​ല​യി​ലേ​ക്കാ​ണ് ആ​ന​യെ കൊ​ണ്ടു​പോ​കു​ന്ന​തെ​ന്നാ​ണ് വി​വ​രം.

തേ​നി​യി​ല്‍ നി​ന്ന് മ​ധു​ര​യി​ലേ​ക്ക് പോ​കു​ന്ന റോ​ഡി​ലാ​ണ് നി​ല​വി​ല്‍ കൊ​മ്പ​നു​മാ​യി വ​നം​വ​കു​പ്പ് സം​ഘം യാ​ത്ര തു​ട​രു​ന്ന​ത്. എ​ന്നാ​ല്‍ ആ​ന​യെ എ​വി​ടേ​യ്ക്കാ​ണ് മാ​റ്റു​ന്ന​തെ​ന്ന​ത് സം​ബ​ന്ധി​ച്ച് വ​നം​വ​കു​പ്പ് ഔ​ദ്യോ​ഗി​ക​മാ​യി പ്ര​തി​ക​രി​ച്ചി​ട്ടി​ല്ല. പ്ര​തി​ഷേ​ധ സാ​ധ്യ​ത ഉ​ള്ള​തി​നാ​ലാ​ണ് ഇ​ത് സം​ബ​ന്ധി​ച്ച വി​വ​ര​ങ്ങ​ള്‍ പു​റ​ത്തു​വി​ടാ​ത്ത​തെ​ന്ന് ചീ​ഫ് വൈ​ല്‍​ഡ് ലൈ​ഫ് വാ​ര്‍​ഡ​ന്‍ പ​റ​ഞ്ഞു.

 അതിനിടെ, അരിക്കൊമ്പനെ കൊണ്ടുപോകുന്ന വാഹനം പിന്തുടർന്ന മാധ്യമങ്ങളെ തമിഴ്നാട് പൊലീസ് തടഞ്ഞു. നിലവിൽ കൊമ്പനെ കൊണ്ടുപോകുന്ന വാഹനം തിരുനെൽവേലി റൂട്ടിലാണ്. കളക്കാട് മുണ്ടന്‍തുറൈ കടുവാ സങ്കേതത്തിലേക്കോ മേഘമലയിലെ വെള്ളിമലയിലേക്കോ കൊണ്ടുപോകുമെന്നും സൂചനകളുണ്ടായിരുന്നു. എന്നാൽ, മേഘമലയിൽ ആനയെ തുറന്നു വിട്ടില്ല. 

തമിഴ്നാട് വനംവകുപ്പാണ് രാത്രി 12.30ന് തേനി ജില്ലയിലെ പൂശാനം പെട്ടിക്കടുത്തുവച്ച് മയക്കുവെടി വച്ചത്. പൂശാനംപെട്ടിക്കു സമീപം ആന കാടുവിട്ടിറങ്ങിയിരുന്നു. ഇതോടെയാണ് മയക്കുവെടിവച്ചത്. ശേഷം അരിക്കൊമ്പന്റെ കാലുകൾ ബന്ധിച്ചാണ് എലഫന്റ് ആംബുലൻസിൽ കയറ്റി വനത്തിലേക്ക് പുറപ്പെട്ടത്. ആനയുടെ തുമ്പിക്കൈയിൽ മുറിവേറ്റിട്ടുണ്ട്.മയക്കുവെടിയേറ്റ അരിക്കൊമ്പൻ പാതിമയക്കം വിട്ട നിലയിലാണ്. വാഹനത്തിൽ നിന്ന് ബൂസ്റ്റർ ഡോസ് നൽകിയേക്കും.