മുതലപ്പൊഴിയില്‍ വീണ്ടും അപകടം, 20 മത്സ്യത്തൊഴിലാളികൾ കയറിയ വള്ളം മറിഞ്ഞു

തിരുവനന്തപുരം: മുതലപ്പൊഴിയിൽ മത്സ്യബന്ധനത്തിന് പോയ വള്ളം മറിഞ്ഞു. വർക്കല സ്വദേശികളായ ഇരുപതുപേരാണ് വള്ളത്തിലുണ്ടായിരുന്നത്. എല്ലാവരെയും രക്ഷപ്പെടുത്തി. രാവിലെ ആറരയോടെയായിരുന്നു അപകടം.അപകടത്തിൽ പരിക്കേറ്റ കഹാർ, റൂബിൻ എന്നിവരെ ചിറയിൻകീഴ് ആശുപത്രിയിലേക്ക് മാറ്റി. 

വർക്കല സ്വദേശിയായ നൗഷാദിന്റെ ഉടമസ്ഥതയിലുള്ള ബുറാഖ്‌ എന്ന വള്ളമാണ് മറിഞ്ഞത്. മത്സ്യത്തൊഴിലാളികളും മറൈൻ എൻഫോഴ്‌സ്‌മെന്റുമാണ് രക്ഷാപ്രവർത്തനങ്ങൾക്ക് നേതൃത്വം നൽകിയത്. മത്സ്യത്തൊഴിലാളികളുടെ ആവശ്യം കണക്കിലെടുത്ത് സ്ഥലത്ത് ഡ്രഡ്ജിങ് പണി അദാനി ഗ്രൂപ്പ് ആരംഭിച്ചിരിക്കുകയാണ്. മണല്‍ നീക്കം ചെയ്യുന്നതുമായി ബന്ധപ്പെട്ട് സര്‍ക്കാരുമായി ധാരണയിലെത്തിയതിന് പിന്നാലെയാണ് അദാനി ഗ്രൂപ്പ് പ്രവര്‍ത്തനം ആരംഭിച്ചത്. അതിനിടെയാണ് അപകടം ഉണ്ടായത്.

ക​ഴി​ഞ്ഞ ഞാ​യ​റാ​ഴ്ച​യും മു​ത​ല​പ്പൊ​ഴി​യി​ൽ അ​പ​ക​ട​മു​ണ്ടാ​യി​രു​ന്നു. നാ​ല് പേ​രു​മാ​യി ക​ട​ലി​ൽ പോ​യ വ​ള്ള​മാ​ണ് മ​റി​ഞ്ഞ​ത്.പൊ​ഴി​മു​ഖ​ത്തെ ശ​ക്ത​മാ​യ തി​ര​യി​ൽ​പ്പെ​ട്ട് ചെ​റു​വ​ള്ളം മ​റി​യു​ക​യാ​യി​രു​ന്നു. വ​ള്ള​ത്തി​ലു​ണ്ടാ​യി​രു​ന്ന നാലുപേരെയും രക്ഷപെടുത്തി.അ​പ​ക​ട​ങ്ങ​ൾ തു​ട​ർ​ക്ക​ഥ​യാ​കു​ന്ന സാ​ഹ​ച​ര്യ​ത്തി​ൽ ജാ​ഗ്ര​ത മു​ന്ന​റി​യി​പ്പു​ക​ൾ ഉ​ള്ള ദി​വ​സ​ങ്ങ​ളി​ൽ മു​ത​ല​പ്പൊ​ഴി​യി​ലൂ​ടെ​യു​ള്ള ക​ട​ലി​ൽ​പോ​ക്ക് പൂ​ർ​ണ​മാ​യി വി​ല​ക്ക​ണം എ​ന്ന് തി​രു​വ​ന​ന്ത​പു​രം ഫി​ഷ​റീ​സ് ഡെ​പ്യൂ​ട്ടി ഡ​യ​റ​ക്ട​ർ സ​ർ​ക്കാ​രി​ന് റി​പ്പോ​ർ​ട്ട് ന​ൽ​കി‌​യി​രു​ന്നു.